უმწეო ფინიები
პატარა ძაღლები სწრაფ დინებაში ცურვას ცუდად იტანენ. ამ ში-ცუს, ადვილი შესაძლებელია, უბედურება შეემთხვეს – წონასწორობა დაკარგოს და წყალში აღმოჩნდეს.
ავტომობილით მგზავრობა
ზოგიერთ ძაღლს ძალზე აღიზიანებს ავტომობილით მგზავრობა, მაგრამ თუ ლეკვობიდანვე მიაჩვევთ ამას, ყველაფერი ადვილად მოგვარდება და სირთულეები აღარ შეგექმნებათ. ეს კიდევ
ადამიანების მსგავსად, ძაღლებსაც მანქანით მგზავრობისას შეიძლება დაემართოთ ე.წ. ზღვის ავადმყოფობა, რისი მიზეზიც მანამდე გამოუცდელი შეგრძნებებია, თუმცა, ეს შეგრძნებები მალევე გაუვლით. ამ გართულების თავიდან ასაცილებლად, ლეკვი ხანდახან ცოტა ხნით ასეირნეთ ავტომანქანით. მგზავრობის წინ მოერიდეთ საკვების მიცემას, რადგან ამ დროს იზრდება გულისრევის ალბათობა. ჩასვით შესაფერის ყუთში, რომ მანქანაში არ იფორთხოს; თუ გული აერევა, გაწმენდა გაცილებით ადვილი იქნება და მანქანის სალონიც არ გაჭუჭყიანდება.
თავის დაზღვევა
ყოველთვის იზრუნეთ თქვენი ძაღლის უსაფრთხოებაზე. მაგალითად ძაღლებისთვის, რომლებიც ნაოსნობისას თან მიჰყავთ, არსებობს მაშველი ჟილეტები იმ შემთხვევისთვის, თუ იგი წყალში გადავარდება. ამ სურათზე ნაჩვენებია, რომ ჟილეტს ზურგზე აქვს სახელური, რითაც ადვილად შეიძლება ძაღლის წყლიდან ამოყვანა.
როდესაც საყვარელ ცხოველთან ერთად მგზავრობთ
უსაფრთხოების გათვალისწინება მნიშვნელოვანია. მართალია, ბევრ ძაღლს მოსწონს მოძრავი მანქანის ღია ფანჯრიდან ყურება, თქვენ კი ეს უნდა დაუშალოთ, რადგან შემხვედრმა ქარმა შეიძლება თვალები გაუღიზიანოს. თუ ძაღლი ფანჯარაში თავის გაყოფას შეეცდება, დაუყოვნებლივ მიიქცევს მძღოლის ყურადღებას, რაც შეიძლება სერიოზული ავარიის მიზეზი გახდეს. არსებობს მცირე რისკიც, რომ ძაღლს გამვლელმა მანქანამ გაჰკრას.
საფრთხე წყალში
ძაღლი, რომელიც სახლთან ახლომდებარე ტბაში ხშირად დაცურავდა, ვერ აცნობიერებს, რომ შეიძლება წყალში ჩასაფრებულ ალიგატორს გადაეყაროს თბილ დასასვენებელ ადგილებში. საშიშროება სერიოზულია – ეს განსაკუთრებული ქვეწარმავლები ხალისით ნადირობენ ძაღლებზე და თუ პირი ჩაავლეს, მისი გადარჩენის იმედი თითქმის ქრება. საფრთხის შემცველი, რასაც ძაღლი ვერ ითვალისწინებს, შეიძლება იყოს ლანდშაფტიც _ იქნება ეს სწრაფი სანაპირო დინება, თუ თხელი ყინული წყალსატევზე. დაიმახსოვრეთ, რომ თქვენი საყვარელი ცხოველი მოიქცევა ისე, როგორც იქცეოდა შინ, ამიტომ, თუ საჭირო გახდება, მიიღეთ დაცვის სათანადო ზომები.
უსაფრთხოების ზომები
ავტომანქანით მგზავრობის დროს განსაკუთრებით მნიშვნელოვანია თქვენი ძაღლის უსაფრთხოდ და მოხერხებულად მოთავსება. ძაღლს სერიოზული საშიშროება ემუქრება, თუ მძღოლმა ყურადღება მოადუნა. შეჯახების დროს თქვენი ოთხფეხა მეგობარი, უთუოდ, სერიოზულად დაშავდება, თუ სწორად არ იქნა დაბმული, მაგალითად, შეიძლება მიენარცხოს საფარ მინას. ამის მოსაგვარებლად არსებობს ძაღლის გალიები, ყუთები ფინიებისთვის, რომელთა მოთავსებაც შეიძლება მანქანაში, აგრეთვე დამცველი ღვედები ძაღლისთვის.
საშიშროების გათვალისწინება
როდესაც თქვენი საცხოვრებელი გარემოსგან მნიშვნელოვნად განსხვავებულ რეგიონში მიემგზავრებით, ეცადეთ გაითვალისწინოთ, რა საშიშროება ემუქრება ძაღლს – ეს ყოველთვის ყურადსაღებია. ახალ პირობებში ყველას, თუნდაც დაბერებულ ძაღლს, ექმნება საფრთხე, გადააწყდეს საშიშ არსებებს, მაგალითად შხამიან გველებს, რომლებიც არასდროს უნახავს. ბებერი ძაღლები ლეკვებზე უფრო წინდახედულები არიან, მაგალითად, ნაკლებად სავარაუდოა, პირველი დანახვისთანავე მივარდნენ გველს, რადგან გრძნობენ საფრთხეს – მათ ხომ უცნობი არსების ქცევის წინასწარ განსაზღვრა არ შეუძლიათ. თვალყური ადევნეთ ძაღლს, თუ საჭიროა, მოუხმეთ თქვენკენ და საბელი გაუკეთეთ.
თოვლში ამოგანგლული
ამ უხეშბეწვიანმა ფოქსტერიერმა თოვლი პირველად დაინახა და აღფრთოვანებულია, თუმცა სხეულზე მიკრული გაყინული თოვლი აწუხებს, რის გამოც ადვილად შეიძლება გაცივდეს. ძაღლების უმრავლესობას ბეწვი შესანიშნავად იცავს ყინვისგან.
ფრთხილად!
არასოდეს დატოვოთ ძაღლი ჩაკეტილ მანქანაში, რადგან მასში ტემპერატურამ შეიძლება უეცრად მოიმატოს და მიაღწიოს ძაღლისთვის სასიკვდილო დონეს.
მასალა მომზადებულია "პალიტრა L"-ის მიერ გამოცემული წიგნის "რაზე მეტყველებს ძაღლის ქცევა" მიხედვით