იმისათვის, რომ ქუჩაში მცხოვრები, დათრგუნული ძაღლის/ლეკვის ნდობა მოიპოვოთ, სპეციალისტები სამ მნიშვნელოვან რჩევას გვაძლევენ.
სხეულის ენა
უმნიშვნელოვანესია, გამოვიყენოთ სხეულის ენა დაკარგულ ან ქუჩაში მცხოვრებ ძაღლთან კომუნიკაციისას.
საკვები ოთხფეხა მეგობრისთვის
მიაწოდეთ ისეთი საკვები, რომელსაც არომატული სუნი შორიდანაც ექნება, რათა ძაღლი თავად მოგიახლოვდეთ. ასეთი საკვები შეიძლება იყოს: ხორცი, ცხოველებისთვის განკუთვნილი კონსერვი და ა.შ. დადეთ ის მიწაზე და მოშორებით დადექით, რათა მან საკვებთან მიახლოებისას შიში არ იგრძნოს. პერიოდულად კიდევ დაუმატეთ საკვები და მასთან დგომის მანძილი შეამცირეთ. არ დაელოდოთ, რომ ძაღლი გაცნობის პირველი დღიდან თქვენი საუკეთესო მეგობარი გახდება (თუმცა, არსებობს გამონაკლისებიც), დაბრუნდით მეორე დღეს და იგივე პროცესი გაიმეორეთ.
თუ ძაღლი თქვენგან საფრთხეს არ იგრძნობს, საბოლოოდ, ის მოგიახლოვდებათ. ამ დროს შეგიძლიათ, თქვენი ხელი მისი ცხვირის სიახლოვეს მიიტანოთ (დისტანციით), რათა მან თქვენი სუნი იგრძნოს, ხოლო შემდეგ ფრთხილად მოეფერეთ ზურგზე.
მთავარია მოთმინება
მოთმინება არის გასაღები. ქუჩაში მცხოვრები ძაღლების უმეტესობა არ ენდობა ადამიანებს, ანალოგიურად - დაკარგული ძაღლიც. დათრგუნული და შეშინებული ცხოველის ნდობის მოპოვება დიდ დროს მოითხოვს.
ყველა ცხოველთა მოყვარულს სურს, უპატრონო ძაღლის დახმარება, თუმცა, საკუთარი თავისა და მისი კეთილდღეობისთვის, სწრაფად დაჭერის პროცესი, შესაძლოა, თქვენთვისაც და ცხოველისთვისაც საზიანო აღმოჩნდეს. იყავით მოთმინებით და სულ მალე შესაძლოა, ერთად დაბრუნდეთ სახლში.
ასევე იხილეთ:
როდის ამბობს პატრონი ძაღლზე უარს?
მიტოვებული ძაღლის სტრესი და ფსიქიკა
