მსოფლიოში ყოველი მეოთხე ძაღლი განიცდის დეპრესიას და მელანქოლიურ განწყობას. ამის მიზეზი შინაური ბინადრის დიდი დროით მარტო დატოვება ან სხვა ძაღლებთან კომუნიკაციის არ არსებობაა.

2,3 მილიონზე მეტი ძაღლი ყოველდღიურად 5 საათი ან მეტი სახლში მარტო რჩება. ვეტერინარების თქმით, ყოველდღიური სეირნობა და სხვა ძაღლებთან თამაში ჩვენი ოთხფეხა მეგობრების სიცოცხლის მნიშვნელოვანი ნაწილია. ცხოველებში დეპრესიისა და შფოთვის მიზეზი, ხშირ შემთხვევაში, მარტოობაა.

საერთაშორისო ვეტერინარული ასოციაციის კვლევების მიხედვით, მსოფლიოში დაახლოებით 465 000 ძაღლი არასოდეს გასულა ეზოში სასეირნოდ. მათ ეწყებათ ფსიქოლოგიური პრობლემები.

ევთანაზიის (სამუდამო დაძინება) მიზეზი ხშირად გამხდარა შინაური ბინადრის ცუდი ქცევა, აგრესია და სხვა ფსიქიკური გამოვლინებები. კვლევების მიხედვით, ამ ძაღლების უმეტესობას პატრონები ხშირად მარტო ტოვებდნენ და მათი მარტოობა გრძელდებოდა 5 საათი და მეტი.

საერთაშორისო ვეტერინარული ასოციაცია თხოვნით მიმართავს ძაღლების მფლობელებს - "შეხედეთ ცხოვრებას რამდენიმე წუთით თქვენი ოთხფეხა ბინადრის თვალით." ჯანმრთელი კვება საკმარისი არ არის იმისათვის, რომ ცხოველი ბედნიერი იყოს."

ასევე იხილეთ:

კატების აგრესია დაკავშირებულია მათ შეფერილობასთან

რამდენად სწორად აბანავებთ თქვენს ძაღლს?

6 რჩევა- როგორ შეუმსუბუქოთ ასაკოვან ძაღლს ზამთარში გამოწვეული ჯანმრთელობის პრობლემები