ძაღლს კინტას ალბათ არასოდეს ჰქონია ღიმილის მიზეზი. ის დაახლოებით ერთი წლის იყო, როდესაც მაიქლმა იპოვა მეზობლის მანქანის ქვეშ შეშინებული და დათრგუნული.

მამაკაცმა ის ვეტერინართან წაიყვანა. ცხოველი შიმშილისგან გამოფიტული და დაუძლურებული იყო. მას მიკროჩიპი არ აღმოაჩნდა, რაც პატრონის მოძებნაში დაეხმარებოდა.

მაიქლი რამდენიმე თვე ეძებდა კინტას პატრონს, თუმცა, ამაოდ. ამ პერიოდში მამაკაცი იმდენად შეეჩვია ცხოველს, რომ მისი ოჯახის განუყრელი წევრი გახდა.



როცა კინტა პირველად მიიყვანა მაიკლმა სახლში, ძაღლი დამნაშავე, მორცხვი გამოხედვით აკვირდებოდა ოჯახის წევრებს, თუმცა, მოფერებისა და მზრუნველობის შედეგად, ძაღლი შეიცვალა. მას შემდეგ, ცხოველის სახეს ღიმილი და ბედნიერი გამოხედვა არ შორდება. თითქოს ოჯახის წევრებს თვალებით უხდის მადლობას დიდი მზრუნველობისთვის.



კინტა უკვე 8 წლისაა და უზომოდ უყვარს ოჯახის ყველა წევრი. ახალისებს მათ თავისი სასაცილო თამაშით და სიყვარულს უნაწილებს თითოეულ მათგანს.



მას ასევე ჰყავს განსაკუთრებული მეგობრები, რომლებიც მაიქლის ოჯახში ცხოვრობენ - კატა ჰანი, სამი ზღვის გოჭი სმორი, ლემონი და ნუდლესი.

იხილეთ ვიდეო