"მამაჩემს ხუთჯერ აქვს ინფარქტი გადატანილი. როცა ცუდად არის, ჩემი ბუსა ყოველთვის თავს დასტრიალებს და ლოკავს, სანამ არ გამოაფხიზლებს. გუშინ, ღამით, მამა ძალიან ცუდად იყო, ვერ სუნთქავდა. ის ადგა და სააბაზანოში გავიდა. ბუსა მანამდე არ გაჩერდა, სანამ დედა არ გააღვიძა," - გვიამბობს ქეთი.
"ადრე სულ ჩემთან ეძინა, მაგრამ ბოლო რამდენიმე თვეა, მამასთან სძინავს.
მისი თქმით, 5 წლის ბუსა ოჯახის წევრებთან ძალიან თბილი და ალერსიანია, უცხოებთან კი - ავი.
"სახლში არაფერს აფუჭებს. ის ყოველთვის გრძნობს, როცა ცუდად არის ოჯახის რომელიმე წევრი. გუშინ მამა რომ წაიყვანეს სასწრაფოთი, ცოტა ხანში სახლში მოვბრუნდით და ტიროდა. მთელი ღამე მამას ადგილზე იწვა,’’ - მოგვითხრობს ქეთი საოცარი ცუგას უცნაური საქციელის ამბავს.
თეო ბითაძე სპეციალურად ZooClub.ge-სთვის