რას მიიღებთ, თუ აიყვანთ ორ ტაქსასა და ერთ ზღარბს? ყველაზე საყვარელ ოჯახს. ტაქსას ჯიშის ძაღლები მაია და პინუტი, ასევე, ზღარბი მინი 2015 წლიდან ერთად არიან. მათი პატრონი ნატაშა ფერნანდესი ყოველდღიურად ათავსებს სოციალურ ქსელში ცხოველების ფოტოებს და ამბობს, რომ ყველა სახეობის ცხოველის თანაცხოვრება შესაძლებელია, თუმცა, თვალის დევნება - აუცილებელი.

მინი ნატაშასთან ოთხი წელია ცხოვრობს, მაია 2015 წელს გახდა მათი ოჯახის წევრი, ხოლო პინუტი პატრონმა ბოლოს აიყვანა. სამეული დიდ დროს ატარებს ერთად. ისინი ეზოში ერთად თამაშობენ, ზღარბი ძაღლების საკვებსაც მიირთმევს და მათ გვერდით სძინავს.



მინი აფრიკული ჯუჯა ზღარბის სახეობაა, რომელიც სახლის პირობებში გაჩნდა, ამიტომ ის ველურ ბუნებაში ვერ გადარჩებოდა.



ამ სახეობის ზღარბი დღის სინათლეზე ვერ ხედავს, თუმცა, ეს მინის არ უშლის ხელს, ითამაშოს საუკეთესო მეგობრებთან. ყველაზე საყვარელ ოჯახს ინსტაგრამის გვერდიც აქვს, სადაც ათასობით ხელმომწერი ჰყავთ.

იხილეთ ფოტოგალერეა

ასევე იხილეთ:

როგორ ცხოვრობს ენოტი, რომელსაც თავი ძაღლი ჰგონია?

ხბო, რომელსაც თავი ძაღლი ჰგონია