ძაღლის ინტუიცია
ამ გმირი ნაგაზის პატრონი 68 წლის ბრიტანელი მამაკაცი როჯერ უილდეია, რომელიც ქალაქ ბირმინგემში ცხოვრობს.
ერთი ჩვეულებრივი დღე იყო, როდესაც პატრონი ჯეიდისთან ერთად სასეირნოდ გავიდა.
აი, რას ყვება მამაკაცი იმ დღის შესახებ: "დაახლოებით დღის 3 საათზე, მე და ჯეიდი სასეირნოდ გავედით. ძაღლი ჩემთან ერთად იყო იმ დრომდე, სანამ
ის ჩემს ხმაზე არ რეაგირებდა. მივუახლოვდი, რათა გამეგო, რითი დაინტერესდა ძაღლი. როგორც კი მის გვერდით აღმოვჩნდი, დავინახე, რომ ჩანთაში რაღაც მოძრაობდა. ვიფიქრე, ვიღაცამ კნუტი გადააგდო-მეთქი, მაგრამ უეცრად პატარა ხელი დავინახე, ხოლო შემდეგ ბავშვმა ტირილი დაიწყო."
როჯერმა ბავშვს ხელი შეახო და საბედნიეროდ, ის ჯერ კიდევ თბილი იყო. მას შეეშინდა და ჩვილი არ აიყვანა, ის ჯეიდის დაუტოვა, რომელიც პატარას გვერდიდან არ შორდებოდა და თავად დახმარების გამოსაძახებლად გაიქცა.
"არ მინდოდა, რამეს შევხებოდი, რათა მტკიცებულებები არ გამენადგურებინა. გამიგეთ, არ მინდოდა პოლიციას მუშაობაში ხელი შეშლოდა, მაგრამ ტელეფონში სამართალდამცველებმა მითხრეს, რომ ბავშვის აყვანა და პარკიდან გამოყვანა შემეძლო." - ამბობს როჯერი.
გარკვეული დროის შემდეგ, შემთხვევის ადგილზე სამაშველო სამსახური მივიდა. ახალშობილი გოგონა კლინიკაში გადაიყვანეს. ექიმების თქმით, ჩვილი რამდენიმე საათის დაბადებული იყო.
ჯეიდის დახმარების გარეშე ბავშვი ვერ გადარჩებოდა. სასწრაფო დახმარების მოსვლამდე, ის ჩვილს გვერდიდან არ სცილდებოდა და მოთმინებით ელოდა, როდის წაიყვანდნენ პატარას ექიმები.
ასევე იხილეთ:
ძაღლმა ნაგავსაყრელზე გადაგდებული ბავშვი გადაარჩინა
შოკისმომგვრელი ისტორია ! როგორ გადაარჩინა სანაგვე ბუნკერში გადაგდებული ჩვილი უპატრონო ძაღლმა
კატა გვერდიდან არ შორდებოდა ოჯახის ახალშობილ წევრს. ის ხვდებოდა, რომ ბავშვს რაღაც აწუხებდა