ყველაფერი დაიწყო მას შემდეგ, რაც დევი კლინიკაში მოწამვლის დიაგნოზით მიიყვანეს. მისი მდგომარეობა ძალიან მძიმე იყო. ექიმები მის გადასარჩენად ყველაფერს აკეთებდნენ, თუმცა, გოგონას მდგომარეობა დღითიდღე უარესდებოდა. ბავშვი 2 კვირის მანძილზე არაფერს ჭამდა და მამამისი ოკა იასნა ამ ფაქტს ძალიან განიცდიდა.
ერთ დღეს, მამა ბავშვის სანახავად კლინიკაში მიდიოდა და გზაზე შავი ძაღლი ნახა. მამაკაცმა ის შვილს მიუყვანა.
"მე ვუთხარი:
დევიმ ძაღლს სელიფი დაარქვა. იგი დარწმუნებული იყო, რომ ძაღლმა გადაარჩინა. ცხოველებისადმი მადლობის ნიშნად, მას ქუჩაში შემხვედრი ყველა უპატრონო ძაღლი სახლში მიჰყავს.
"არის დღეები, როცა სახლში რამდენიმე ახალ ძაღლთან ერთად ვბრუნდები. ერთ დღეს, როცა დავითვალე, ჩვენს ეზოში 60 ძაღლი იყო", - ამბობს დევი.
ბავშვი ცხოველებს დღეში ორჯერ აჭმევს ძაღლების სპეციალურ საკვებს, რომელსაც ადგილობრივი ცხოველთა დაცვის ორგანიზაცია მის "თავშესაფარს" ყოველ თვე ჩუქნის. მიუხედავად იმისა, რომ მათი ოჯახი ძალიან ღარიბია, მშობლები შვილს გვერდში უდგანან და ეხმარებიან. მეტიც, ისინი ძაღლებისთვის მედიკამენტებს ყიდულობენ, დაშავებულ ცხოველებს ჭრილობებს უმუშავებენ.
ზოგიერთი ოთხფეხა მეგობარი სკოლიდან დაბრუნებულ ბავშვს გზაზე სიხარულით ხვდება.
ადამიანები, რომლებმაც მათი "ოჯახური თავშესაფრის" შესახებ შეიტყვეს, ახალშობილ ლეკვებს მათ ეზოსთან ფარულად ტოვებენ.
როდესაც გაიზრდება, გოგონას სურს, გახდეს პოლიციელი, რათა კანონის წინაშე პასუხი აგებინოს იმ ადამიანებს, რომლებიც ცხოველებს სასტიკად ექცევიან.
ასევე იხილეთ:
პენსიონერმა ქუჩის ძაღლებისთვის პლასტმასის კასრებისგან მატარებელი გააკეთა
ამ პატარა ბიჭს მეტად უცნაური გატაცება აქვს...
მამაკაცი ყოველდღე 80 უპატრონო ძაღლს კვებავს