ძაღლის ცემისთვის კომპანიის დირექტორი 100 000 დოლარით დააჯარიმეს (+ვიდეო)
ვანკუვერში მდებარე სახლის ლიფტში სათვალთვალო კამერით გადაღებული ვიდეო გასაჯაროვდა, სადაც ჩანს როგორ სცემს დირექტორი საკუთარ დობერმანს.
მრავალმილიარდიანი კვების კომპანია Centerplate-ის გენერალური დირექტორი დესმონდ ჰეიგი ცხოველთან სასტიკი მოპყრობის გამო დასაჯეს.
დესმონდი ძაღლს წიხლს ურტყამს და საბმელით ქაჩავს. შიდა გამოძიების ჩატარების შემდეგ მოძალადე დააჯარიმეს. ამასთან, მამაკაცმა ვანკუვერის ცხოველების დახმარებისა და დაცვის ფონდის შესაქმნელად 100 ათასი დოლარი უნდა გაიღოს, საქველმოქმედო ორგანიზაციაში 1000 საათი იმუშაოს და სიბრაზის მართვის კურსებზე იაროს.
იხილეთ ვიდეო 
