მრავალი ექსპერიმენტის გათვალისწინებით, მტრედები ორიენტაციის სხვადასხვა პრინციპს იყენებენ. ისინი მათ ერთი მეორის მიყოლებით ამოწმებენ. სახლის ახლოს ისინი ძირითადად მიწისზედა ორიენტირებას ეყრდნობიან - ვთქვათ, შეუძლიათ ნაცნობი ავტოსტრადის პარალელურად ფრენა მათი მოსახვევების გამეორებით.
უცნობი მხარედან სახლში დაბრუნებისას მტრედები, მკვლევართა უმეტესობის აზრით, ცის მნათობთა მიხედვით (მზისა და ვარსკვლავების) ახდენენ ორიენტაციას, ასევე დედამიწის მაგნიტური ველის მიხედვით, რომელსაც უშუალოდ ნისკარტის ზემოთა ნაწილის წვრილი მაგნიტური ნაწილაკების მეშვეობით გრძნობენ.
