კნუტი დაუცველი და სუსტი არსებაა, ეს პატარა ცხოველი შეიძლება ადვილად დაავადდეს სასუნთქი გზების გადამდები დაავადებებით, კერძოდ კი გრიპით.
მხედველობიდან არ გამოგრჩეთ ინფექციის ნიშნები: ცრემლდენა, ფაღარათი, უმადობა და თვალის შიდა კუთხეებში აპკის გამოჩენა, ანუ მესამე ქუთუთოს ამოწევა, რაც კატის ჯანმრთელობის გაუარესებაზე მიანიშნებს. თუ ეჭვობთ, რომ კნუტს საფრთხე ემუქრება, დაუყოვნებლივ ვეტერინარს გაასინჯეთ, თორემ მისი მდგომარეობა შეიძლება სწრაფად გაუარესდეს, მაგალითად, მისი სიცოცხლისთვის საშიშია ფაღარათით გამოწვეული გაუწყლოება, ინფექციაზე რომ არაფერი ვთქვათ.
თუ თავშესაფრიდან წამოიყვანეთ შედარებით ზრდასრული კატა, რომლის ისტორიაც უცნობია, ზემოხსენებული პროცედურების გავლა დაგჭირდებათ.
კვლავ მნიშვნელოვანი იქნება დეჰელმინთიზაცია. თუ არ იცით, მანამდე კატა იყო თუ არა აცრილი, მიზანშეწონილია სასიკვდილო
ინფექციებისგან, მაგალითად, კატის ლეიკემიისგან დასაცავად იმუნიზაციის კურსის ჩატარება.
