ვისაც სახლში ან ეზოში შეჩვეული ყავს კატა, ალბათ მისთვის უცხო არ არის, როდესაც ამ ცხოველს პატრონისთვის მონადირებული თაგვი, ფრინველი, თუ სხვადასხვა მწერი მოყავს.

ამ ქცევით უმეტესობა კატები პატრონისადმი სიყვარულს, პატივისცემას გამოხატავს და ყოველთვის უკვირს, როდესაც ამის გამო, სჯიან ან ეჩხუბებიან. 

როგორ კომფორტულად და უზრუნველადაც არ უნდა ცხოვრობდეს იგი, კატას ნადირობის ინსტიქტი ყოველთვის თან სდევს. მისი თვისებები გაუცნობიერებლად ითხოვს, რომ თავისზე სუსტ ცოცხალ არსებაზე ინადიროს.

მეცნიერებს კიდევ სხვა ცოტა სასაცილო, თუმცა, დამაფიქრებელი მოსაზრებაც აქვთ - ამ ცხოველს ყოველთვის უკვირს, რატომ არ ნადირობს პატრონი იმისათვის, რომ ნადავლი მოიპოვოს და თავისი საქციელით, თითქოს ასწავლის პატრონს ნადირობის ტაქტიკას.

პატრონიანი კატის ქცევა, რომელსაც "საჩუქრები" სახლში მიაქვს, მოგვაგონებს უპატრონო კატის საქციელის, რომელიც კნუტობიდანვე ასწავლის შვილებს, როგორ მოიპოვონ ყოველდღიური საკვები ნადირობით.

არასოდეს არ დასაჯოთ თქვენი კატა, როდესაც "ძღვენს" მოგართმევთ, ის მაინც ვერ მიხვდება ჩხუბის მიზეზს. ნადირობა ამ ცხოველის გენებშია. მიიღეთ ეს მტაცებელი ცხოველი, ისეთი როგორიც არის.

ასევე იხილეთ:

უყვარხართ თუ არა თქვენს კატას?

რა შემთხვევაში ლოკავს კატა პატრონს?

თამაში კატებთან და მათი საყვარელი სათამაშოები