არაერთხელ გვისაუბრია კატის ჟესტებზე, რომლებსაც ყოველთვის აქვს ახსნა. ცხოველები ამით მიგვანიშნებენ, რა სურთ  და რას გვეუბნებიან სხვადასხვა მოქმედებით. თუ კარგად დააკვირდებით, ყოველთვის მივხვდებით თქვენი ოთხფეხა ბინადრის სურვილებსა და განწყობას.

როცა კატას კუდი ზევით აქვს აწეული



რაც უფრო ზევით აქვს კუდი აწეული, მით უფრო ბედნიერია. თუ კატა კუდს თქვენი ფეხის გარშემო რკალისებურად შემოახვევს, ის ძალიან ბედნიერია.

დაჟინებული მზერა პატრონის თვალებში



კატის მზერა ნიშნავს, რომ ის თქვენ გენდობათ და თქვენთან ერთად დაცულად გრძნობს თავს. 

"გჩუქნით" ნანადირევს



თუ თვლის, რომ თქვენ მისი ოჯახის წევრი ხართ, ის გასწავლით, როგორ უნდა ინადიროთ ფრინველზე, თაგვზე და ა.შ. სწორედ ამიტომ მოაქვს მას სახლში ნადავლი.

მსუბუქად კბენა



პატრონის მსუბუქად კბენა, ყურებთან კვნეტა, თმის კბილით მოქაჩვა - სიყვარულის ნიშანია. კატა კნუტების მიმართ ასე გამოხატავს სიყვარულს. თუ თქვენთანაც ამგვარად იქცევა, მას ძალიან უყვარხართ.

მასაჟი თათებით



ეს ჟესტი გამოხატავს სიყვარულს, რომელსაც იმ მზრუნველობისთვის გიბრუნებს, რაც მისთვის გაგიკეთებიათ.

კრუტუნი



კრუტუნა კატა ბედნიერია. თუ მას ეფერებით და კრუტუნებს, არ შეჩერდეთ, ეს თქვენს ოთხფეხა ბინადარს ძალიან სიამოვნებს.

თუ კატა თქვენს წინ ზურგით დაწვა



ამ დროს კატა დაუცველობას ამჟღავნებს და გეუბნებათ, რომ ბოლომდე გენდობათ.

ასევე იხილეთ:

რატომ უყვარს კატას ძილის დროს პატრონზე წოლა

რას ნიშნავს, როდესაც კატა წინა თათებით "მასაჟს აკეთებს"

რატომ აკეთებს კატა ამას? დროა, გავიგოთ მათი მთავარი საიდუმლო