ვიდეოგალერეა
საინტერესო
ტექსტის ზომა + -
ადამიანებმა სასტიკად მოკლულ კატას, ავტობუსის გაჩერებასთან, მემორიალი დაუდგეს
ადამიანებმა სასტიკად მოკლულ კატას, ავტობუსის გაჩერებასთან, მემორიალი დაუდგეს
ყოველი დღე ავტობუსის მგზავრები მოუთმენლად ელოდნენ 13 წლის კატა მისისთან შეხვედრას, რომელიც დიდი ხნის განმავლობაში ინგლისში მდებარე Leigh Park-ის ავტობუსის გაჩერებასთან ბინადრობდა. 

სამწუხაროდ, გასულ კვირას მისი უმოწყალოდ სცემეს უცნობმა ადამინებმა.

დაშავებული კატა გაჭირვებით მივიდა 72 წლის მომვლელთან, რომელიც მასზე 9 წლის განმავლობაში ზრუნავდა.

მოხუცის შვილი The Telegraph-თან ინტერვიუში ამბობს:


"მისის თავი არაერთ ადგილას ჰქონდა გატეხილი. ცემისგან აღარც ერთი კბილი ჰქონდა. ერთი თვალი საერთოდ ამოვარდნილი იყო, ხოლო მეორე თითქოს ძაფზე ეკიდა. ასევე, სდიოდა სისხლი. ვეტერინარებმა ვერ
გვიპასუხეს შეუნრაჩუნდებოდა თუ არა ერთი თვალი მაინც და მათ შემოგვთავაზეს კატისთვის ევთანაზია (სამუდამო დაძინება) გაგვეკეთებინა. ჩემი მშობლები გაოგნებულები იყვნენ, თავიდან უარს აბობდნენ, თუმცა, ცხოველი იმდენად იტანჯებოდა, სხვა გზა არ გვქონდა."

მას შემდეგ, რაც მისის სიკვდილი გავრცელდა, ადგილობრივმა მაცხოვრებლებმა მის საპატივცემულოდ ავტობუსის გაჩერებასთან იმპროვიზირებული მემორიალი გააკეთეს. იქ უამრავი ყვავილი მიჰქონდათ კატის მოყვარულებს, ასევე - ნახატები, სადაც კატა იყო გამოსახული.

Zooclub

მისი იმდენად პოპულარული იყო, რომ მემორიალის შექმნისთვის ერთ-ერთმა მაცხოვრებელმა თანხის შეგროვება დაიწყო. ადამიანები Twitter-ის გვერდზე გამოხატავდნენ მწუხარებას.

Zooclub

ავტობუსის მძღოლმა მემორიალთან დატოვა წერილი შემდეგი ტექსტით: "შენი ნახვა ყოველთვის დადებით განწყობას მიქმნიდა. მომენატრები."

Zooclub

ადგილობრივი მცხოვრებლები ცდილობენ იპოვონ ის ადამიანი, ვინც ცხოველის მიმართ ასეთი სისასტიკე ჩაიდინა.

Zooclub

"ეს წამოუდგენელი საქციელია. დაუყოვნებლივ უნდა დაისაჯოს დამნაშავე."

სოციალურ ქსელებში გავრცელდა ინფორმაცია თხოვნით - ვინც კი რაიმე ინფორმაციას ფლობს მისის წამებასთან დაკავშირებით, აუცილებლად შეატყობინონ პოლიციას.

ასევე იხილეთ:

ყველაზე ერთგული კატა მსოფლიოში (+ვიდეო)

კატის დაკრძალვას 3 000-ზე მეტი ადამიანი დაესწრო
ბეჭდვაელფოსტა
natalia
უნდა იყოს კანონი და დაისაჯონ ესეთი სატანისტები..ცხოველებს ხომ არ შეუძლიათ მუშაობა მათ ჩვენ უნდა დავეხმაროთ,ისინი ხომ არაფერს გვიშავებენ.
manana-sh
giorgi-ი, ვიტირე ბევრი, ჩემი ფისოები გამახსენდა.... 2008 წელში სამი კატა და ერთი კნუტი მომიწამლეს, მეც ასევე ვთქვი მეზობლებში, მათ კი მასხარად ამიგდეს; ,,ამ ომში რამდენი დაიღუპა, ისინი იტერე, კატებს ნუ მისტირიხარო". ჩემთვის ადამიანიც და ცხოველიც ერთი ტკივილია, ვერ განვასხვავებ ამას ვერასდროს. თქვენი არ ვიცი, მაგრამ მჯერა, ასეთ სადისტებს ცუდი დასარული ექნებათ, უარესად დაიტანჯებიან ვიდრე ეს უმწეო ცხოველები. თქვენ კი ღმერთი გფარავდეთ ასეთი კეთილი რომ ხართ
giorgi
საქართველოშიც ასეა - 6 კატა მყავდა, რა ვქნა ვერ გავაჩIქე და ვერ გადავყარე, მოკლედ, ერთი თევა ერთი კატა საშIმელი სიკვდილით მომიკვდა, ეხლაც კი ყურში ჩამესმის მისი კივილი, კივილი იყო სხვას ვერ დაარქმევ იმ ხმას რასაც საწყალი ქორფა გამოსცემდა, მითხრეს მოწამლული იქნებაო, იმავე დღეებში მეორეც დაიკარგა, მეზობელს მკვდარი უპოვია ეზოში, ისიც მოწამლეს ალბათ, არადა არავის ერჩოდნენ, საკვებსაც ყოველ კვირას ვყიდულობ და ვაჭმევ იმდენს რომ რჩებათ, რატო მომიკლეს არ ვიცი, უბანშI ვთქვი გეთქვათ და წავიყვანდი მეთქი სადმე და გავუშვებდი, ანდა ამ ტანჯვით სიკვდილს გესროლათ და მოგეკლატ ისე, მაგრამ ხმას სროლისას გავიგებდი და დედას ვუტირებდი, ეტყობა იფიქრეს, მოკლედ იმის იედი მაქვს რომ სამაგიერო მიეზღვება გამკეთებელს, შანსი არაა არ გავიგო ვინ გააკეთა... კატაზე არაა საქმე ... სულიერ არსებაზეა, რომელზეც ზრუნავ და ვიღაც გიკლავს იმიტომ რომ მის ეზოში დადის, ანდა ყვავილებს შორის შარდავს, მოკლედ ადამიანტა სახსენელი შემაჯავრეს ამ ვითომდა ჰუმანოიდებმა... რასაც მე ვუყურე და ჩამესმოდა ყურში იმედია საკუტარ თავზე გამოსცდიან...
ირმა ურუშაძე
ასეთი ადამიანები აუცილებლად დაისჯებიან. ამბობენ, კატას დაწყევლა შეუძლიაო და მისის მწამებლები, როგორც ყველა სხვა კატის მწამებლები და ზიანის მიმყენებლები, დაეწყევლოს სწორედ ამ დაზარალებულ კატებს. რამდენად განსხვავებულია ადამიანები, ვიღაცა ცხოველს აწამებს და ვიღაც მემორიალს უდგამს.
53
ვინც ეს სისსტიკე ჩაიდინა ამ კატაზე მეტი ტანჯვა ელის!
ბოლო სიახლეები
შიდა ქართლში აზიური ფაროსანას დამჭერი ხაფანგების განთავსებაზე პრაქტიკული სწავლება გაიმართა
დასავლეთ საქართველოში გავრცელებული მცენარეთა მავნებლის, აზიური ფაროსანას წინააღმდეგ ბრძოლის ღონისძიებების განსახორციელებლად პრაქტიკული სწავლების მორიგი ეტაპი შიდა ქართლის რეგიონში კახეთისა და შიდა ქართლის სპეციალისტებისთვის გაიმართა.

როგორც სურსათის ეროვნული სააგენტოდან აცნობეს, წამყვანი ამერიკელი ენტომოლოგების მონაწილეობით, გორის სოფელ კარალეთში, ვაშლის პლანტაციაში მავნებლის დამჭერი ხაფანგები (ფერომონები) განათავსეს. ტრენინგზე ყურადღება შხამ-ქიმიკატების გამოყენებისას უსაფრთხოების წესების დაცვაზეც გამახვილდა.

როგორც სურსათის ეროვნული სააგენტოს უფროსის მოადგილემ გიორგი იაკობაშვილმა განაცხადა, მოსახლეობის ინფორმირების მიმართულებით კამპანია აქტიურ ფაზაში შედის.
„აზიური ფაროსანას წინააღმდეგ ბრძოლის ღონისძიებები სამეტაპიანია. პირველი და უმთავრესი ეტაპია მოსახლეობის ინფორმირება. ამ მიმართულებით კამპანია აქტიურ ფაზაში შედის. ბრძოლის მეორე ეტაპი - მონიტორინგი - მავნებლის გავრცელების დადგენაში დაგვეხმარება. აღნიშნულის მიზნით, მსოფლიოში ცნობილი ენტომოლოგები პრაქტიკულ და თეორიულ სწავლებას უტარებენ ჩვენს სპეციალისტებს. მონიტორინგის შედეგების მიხედვით დაიგეგმება მესამე ეტაპის - უშუალოდ ბრძოლის ღონისძიებების ჩატარება", - აღნიშნა გიორგი იაკობაშვილმა.

სასოფლო-სამურნეო კულტურების ახალი ინვაზიური მავნებლის, აზიური ფაროსანას საწინააღმდეგო ღონისძიებების განხორციელებასთან დაკავშირებით, აშშ-ის საერთაშორისო განვითარების სააგენტოს (USAID) საქართველოს სასოფლო-სამეურნეო წარმოების ეფექტიანობის აღდგენის პროექტის (REAP) მხარდაჭერით, ქართველ სპეციალისტებს გამოცდილებას პენსილვანიის სახელმწიფო უნივერსიტეტის ექსპენციური მეხილეობის ენტომოლოგი გრეგორას კრავჩიკი და პროფესორი ალან შროდერი უზიარებენ.

„ხაფანგის საშუალებით ვატარებთ მონიტორინგს, რომელიც გვაძლევს ინფორმაციას, თუ რა რაოდენობის მავნებელია გავრცელებული რეგიონში. ხაფანგის საშუალებით დაჭერილი მწერის რაოდენობით შევძლებთ გავიგოთ, რა სახის დამატებითი ღონისძიება იქნება ჩასატარებელი მათ წინააღმდეგ. თუ მავნებლის პოპულაცია დაბალია, მაშინ წამლობის ჩატარების აუცილებლობა არ არის. დიდი რიცხოვნობის შემთხვევაში, სასწრფოდ უნდა მივიღოთ ზომები მათი პესტიციდების გამოყენებით გასანადგურებლად”, - განაცხადა გრეგორას კრავჩიკმა.
28.03.2017
ფლორიდაში ღორი-პოლიგლოტი გამოზარდეს
ამერიკულ ქალაქ მაიამიში გასართობ პარკ ”ჯანგლ აილენდში” წარმოადგინეს ვიეტნამური ღორი, რომელმაც 100-მდე სიტყვა
28.03.2017
საქართველოში გადაშენების პირას მყოფი კიდევ ერთი ცხოველი მოკლეს
გარემოსდაცვითი ზედამხედველობის დეპარტამენტის, დასავლეთის რეგიონული სამმართველოს თანამშრომლებმა,
28.03.2017
ვინ ეხმარება ლონდონში გასაჭირში ჩავარდნილ ველურ ცხოველებს?
სწრაფი რუხი ციყვებიდან ყველაზე გამბედავ მელიებამდე - ველური ცხოველები ხშირად ლონდონის ცენტრშიც კი შეიძლება შევამჩნიოთ.
28.03.2017
ამ მოპსებს გაუმართლათ! პატრონი მათზე დიდძალ ქონებას ხარჯავს
30 მოპსი ერთად მართალია, ძალიან საყვარელი, მაგრამ, ამავდროულად, ძალიან ძვირი
27.03.2017
როცა ქალმა წაიკითხა, თუ რა ეწერა უსახლკარო მამაკაცს მუყაოს ნაგლეჯზე, დაუყოვნებლივ შეჩერდა
ვილმა პრაისი სახლში მანქანით მიდიოდა, როდესაც გზაზე გაცრეცილი, ჭუჭყიან ტანსაცმელში მდგომი ახალგაზრდა
27.03.2017
გორის ზოოპარკის ბინადარი მიშა გახარებულია - ის ტყუპი ბელის მამა გახდა
გორის ზოოპარკის ბინადარი მიშა გახარებულია - ის ტყუპი ბელის მამა გახდა.
26.03.2017
დედა პანდას პირველი შეხვედრა საკუთარ შვილთან (+ ვიდეო)
პანდას ნაშიერი დაბადებისთანავე მოაცილეს მშობელს, რადგან მას
25.03.2017
ელექტროანძის დემონტაჟის დროს არწივების ბუდე არ დაზიანებულა - ადასტურებენ გარემოსდაცვითი ზედამხედველობის დეპარტამენტში
გარემოსდაცვითი ზედამხედველობის დეპარტამენტი ადასტურებს, რომ გარდაბნის მუნიციპალიტეტის სოფელ ჯანდარაში
24.03.2017

გასაჩუქებელი
ნაპოვნი
დაკარგული
დიღმის მასივში დაიკარგა ხვადი გერმანული ნაგაზი.
09.01.2017
მალაკნების ბაზრის ტერიტორიიდან დაიკარგა კოკერსპანიელი ჯეკო.
11.01.2017
მთაწმინდაზე დაიკარგა უთბილესი მეტისი ”ყურცქვიტა”.
23.01.2017
ფოტოგალერეა
გამოკითხვა
რა შემთხვევაში მიატოვებდით (ჩააბარებდით თავშესაფარში, გაუშვებდით ქუჩაში, გააჩუქებდით) თქვენს შინარ ცხოველს?