ჯორდანი აუტისტია, ამიტომ ხშირად თვითგამოხატვის პრობლემა აქვს. გამონაკლისად შეიძლება ჩაითვალოს ის შემთხვევა, როდესაც იგი კატების, განსაკუთრებით კი შავი კატების გარემოცვაშია.
2006 წელს ჯორდანი Mychal's Learning Place-ის სარეაბილიტაციო ცენტრში შევიდა. ეს კომერციული ორგანიზაციაა, რომელიც ბავშვებსა და უფროს ადამიანებს განვითარების პრობლემების მოგვარებაში ეხმარება.
მოხალისეებსა და პაციენტებს თავშესაფრებსა და ზოომაღაზიასთან თანამშრომლობის წყალობით, ოთხფეხა მეგობრებთან ურთიერთობა აქვთ.
სწორედ ასე მიეცა საშუალება ჯორდანს პატარა კნუტების აღმზრდელი გამხდარიყო. კნუტები გარე სამყაროსთან ადაპტაციას საჭიროებდნენ.
განსაკუთრებით დაუახლოვდა ჯორდანი შავ კნუტს, სახელად გრეისს. თანამშრომლებმა შეამჩნიეს, თუ როგორი ბედნიერი იყო გოგონა სწორედ შავ კატებთან ურთიერთობის დროს. ამან მისი ცხოვრება შეცვალა: შავი კატები მას აბედნიერებენ. ისინი დაეხმარნენ ჯორდანს ლაპარაკის დაწყებაში.
ჯორდანმა მთელი გზა გაიარა სრული დუმილიდან ხმის დაბრუნებამდე და ეს ყველაფერი შავი კატების სიყვარულის გამო მოხდა.
იხილეთ ვიდეო
