როდესაც სახლში კატა ან კნუტი მოგყავთ, სასურველია იცოდეთ ამ ცხოველის ზოგადი თვისებები – რა მოსწონს, რა სიამოვნებს, როდის რას ითხოვს და ა.შ.

იმისათვის, რომ კატამ თქვენს გარემოცვაში კომფორტულად და ბედნიერად იგრძნოს თავი, მნიშვნელოვანია გაითვალისწინოთ რამდენიმე რჩევა.

მოეფერეთ თქვენს ბინადარს

ხშირად მოეფერეთ თქვენს ბინადარს – კატა თბილი ცხოველია, მას უყვარს, როდესაც მის მიმართ სითბოს გამოხატავენ.



კვებეთ თქვენი კატა მისთვის განკუთვნილი საკვებით

მშრალი ხარისხიანი კატის საკვები საუკეთესო საშუალებაა, რათა თქვენი კატა ჯანმრთელი იყოს. შეეცადეთ არ კვებოთ თქვენი პატარა ბინადრი ადამიანისთვის განკუთვნილი საკვებით, რათა შემდეგ პრეტენზიული არ გახდეს თავისი საკვების მიმართ ან საკვებმა არ აწყინოს, რადგან მსგავსი შემთხვევები ხშირია.



მიეცით თქვენს კატას თავისუფლება

გარკვეული გამონაკლისებისა, ზოგადად კატებს ძალიან მოსწონთ სახლის გარეთ სეირნობა. თუ თქვენი ოთხფეხა ბინადარი ითხოვს ეზოში გაყვანას, სასურველია კვირაში 3-4-ჯერ მაინც გაასეირნოთ.



კატის და ადამიანის უხილავი კავშირი

კატას სიამოვნებს, როდესაც პატრონს ეხება. თუ მოგიახლოვდათ, არ გააგდოთ ის, ამ დროს ამ იდუმალ ცხოველს დადებითი ენერგია პატრონზე გადააქვს და ადამიანს ეხმარება პოზიტიური განწყობის შენარჩუნებაში.



ეთამაშეთ კატას

კატა იოლად აგყვებათ თამაშში, თუმცა მას შეუძლია მალევე მოიწყინოს და მელანქოლიურ ხასიათზე დადგეს. ამიტომ, შეეცადეთ არ მისცეთ თქვენს საყვარელ ბინადარს მოწყენის უფლება, ხშირად ითამაშეთ მასთან ერთად.



უზურნველყავით, რომ მისი ტუალეტის კუთხე სუფთად იყოს

როგორც ცნობილია, კატა სუფთა არსებაა, რამდენადაც გასაკვირი არ უნდა იყოს, ის გრძნობს სისუფთავეს და ძალიან სიამოვნებს, როცა მისი  კუთხეც სუფთად არის. შეეცადეთ, რომ ყოველდღიურად გაწმინდოთ მისი ტუალეტის კუთხე.



გამოხატეთ თქვენი ბინადარის მიმართ სიყვარული

კატები აფასებენ სიყვარულს და გრძნობენ, როდესაც პატრონს ის უყვარს. ეს იდუმალი ბინადრები ამ დროს ძალიან ბედნიერები არიან და თვითონაც ორმაგ სყვარულსა და სითბოს გასცემენ პატრონის მიმართ.



ყურადღება მიაქციეთ თქვენი ბინადარის ჯანმრთელობას

იმისათვის, რომ თქვენმა კატამ ბედნიერად და კომფორტულად იგრძნოს თავი, დაზღვევის მიზნით, წელიწადში 2-3-ჯერ აუცილებლად მიიყვანეთ ვეტექიმთან, რათა დარწმუნდეთ მის ჯანმრთელობაში. სხვა ბინადრებისგან განსხვავებით კატებში ზოგიერთი ავადმყოფობა ისე პროგრესირდება, რომ შესაძლოა ეს პატრონმა ვერ შენიშნოს.



იქონიეთ სახლში კატებისთვის განკუთვნილი საკვები ბალახი

თუ კატა სახლიდან არ გადის, მისთვის საჭიროა ბალახი, რომელიც მისი კუჭის მომნელებელ სისტემაზე დადებითად მოქმედებს. სამკურნალო ბალახი იყიდება სხვადასხვა ზოომაღაზიაში, ან შეგიძლიათ თქვენ მოაშენოთ ის პატარა ქოთანში.