კითხვა: გამარჯობათ. მყავს 8 წლის პეკინესი. ერთი კვირაა შარდის შეუკავებლობა აქვს. ცისტიტი. გავუკეთეთ ანტიბიოტიკები, სამი ნემსი, შემდეგ დექსამეტაზონი ისიც სამი დღე. და თან B1 და B12 ვიტამინი, მაინც ისევ ისეა. რას მირჩევთ კიდევ რა შეიძლება რომ გავუკეთო რომ მორჩეს.
პასუხი:
გამარჯობა, შარდის შეუკავებლობა სხვადასხვა რამისგან შეიძლება იყოს გამოწვეული. ცისტიტს ახასიათებს ხშირი შარდვა, წვა და ტკივილი მოშარდვისას, ზოგჯერ სისხლიც. შეუკავებლობა შეიძლება დიაბეტისგანაც იყოს გამოწვეული, სიმსივნისგან, ტრავმისგან, ნერვული სისტემის გარკვეული სახის დაზიანებისგან და ა.შ. სჯობს გაუკეთოთ სისხლის ანალიზი, იმისთვის , რომ გაიგოთ დიაბეტი ხომ არ აქვს, და ექოსკოპია, რომ ნახოთ შარდის ბუშტი და სხვა ორგანოები რა მდგომარეობაშია. ამასთანავე გაითვალისწინეთ, რომ შეიძლება 3 დღეში არ ჩანს ჯერ მკურნალობის ეფექტი.
