ერთ დღეს დებმა გადაწყვიტეს, რომ მათი დიეტა მოიკოჭლებდა და ცხვირი აუბზუეს მირთმეულ ხილსა და ბოსტნეულს. მათი მომვლელი, რობ გასტერი საგონებელში ჩავარდა, არ იცოდა როგორ მოეყვანა მადაზე თავისი სამეურვეოები.
ბევრი იფიქრა თუ ცოტა, მოიფიქრა წავებისთვის, არც მეტი, არც ნაკლები, სუში შეეთავაზებინა. ვიდრე წავების მომვლელის საპატიო პოზიციას დაიკავებდა, რობი შეფ-მზარეული გახლდათ, ამიტომ მკლავები დაიკაპიწა და ჭირვეული დებისთვის კერძის მზადება დაიწყო. სუში რომ მოამზადა, ლანგარზე დააწყო, გვერდით ჩხირები მოუწყო და მანგოს და
თავიდან წავებმა ამრეზით გადახედეს, მერე კი სუშის დააცხრნენ და მადიანად მიირთვეს. ასე დაუბრუნა მადა მომვლელმა წავებს.
ახლა რობი კვირაში ერთხელ მაინც უმასპინძლდება მანგოს და გარგარს დელიკატესით, მაგრამ ცდილობს ძალიან არ მიაჩვიოს, თორემ რა იცი, იქნებ წავებს სუშიც მობეზრდეთ და მაშინ მათ პირად შეფ-მზარეულს ისევ მოუწევს თავის მტვრევა, რითი ასიამოვნოს თავნება დებს.
იხილეთ ვიდეო