გონიოს სანაპიროზე ზღვამ ახალშობილი მკვდარი დელფინი გამორიყა.
ბათუმის სანიტარული დასუფთავების სამსახურის თანამშრომელმა ლევან ცინცაძემ განაცხადა, რომ დელფინი დაახლოებით 5 კილოს იწონიდა.
ლევან ცინცაძის თქმით, ამ სეზონზე დელფინის გამორიყვის მეხუთე შემთხვევა დაფიქსირდა.
"გონიოში სამშველო ჯგუფი დაგვხვდა, რომელმაც სპეციალური შესაფუთი მოგვცა, ძალიან პატარა, ახალშობილი დელფინი იყო სანაპიროზე გამორიყული, 5 კილო თუ იქნებოდა. შევფუთეთ და მოვათავსეთ სანიტარული დასუფთავების მანქანაზე. ამ ზაფხულში ეს მეხუთე შემთხვევაა. უფრო მოზრდილი დელფინებიც მინახავს. წინა შემთხვევის დროს, ერთი დელფინი 100 მეორე – 50 კილო იქნებოდა", – აღნიშნა ლევან ცინცაძემ.
