როდესაც ჩემს გალიასთან შეჩერდა, ვცადე მისგან დამემალა პატარა გუბე იატაკზე. არ მინდოდა სცოდნოდა, რომ დღეს არ გამიყვანეს სასეირნოდ. ხანდახან თავშესაფრის თანამშრომლები ძალიან დაკავებულები არიან და არ მინდოდა, რომ მათზე ცუდი ეფიქრა.
როცა ის გალიაზე მიმაგრებულ ბარათზე ჩემს ისტორიას კითხულობდა, იმედი მქონდა, რომ ძალიან არ დაასევდიანებდა
იგი მუხლებზე დაეშვა და დამიძახა. მე მხრითა და ცხვირით ავეკარი გისოსებს, რომ დამემშვიდებინა. თითებით მსუბუქად მომეფერა კისერზე - მას ძალიან სჭირდებოდა მეგობარი. ცრემლი ჩამოუგორდა თვალიდან. მე თათი ავწიე იმის ნიშნად, რომ ყველაფერი კარგად იქნებოდა.
ჩემი გალიის კარი გაიღო და მე მას ხელებში ჩავუხტი…
პირობას გაძლევ დაგიცავ საშიშროების დროს, შენთან ვიქნები მუდამ.
გავაკეთებ ყველაფერს, რაც შემიძლია, რომ ღიმილმა არასოდეს დატოვოს შენი სახე და თვალებიდან არასოდეს გაგიქრეს სიხარულის ნაპერწკალი.
მე ისე გამიმართლა, რომ მან გადაწყვიტა ბეტონის კორიდორი გამოევლო. ისე ბევრნი არიან, ვისაც ჯერ კიდევ არ გამოუვლიათ ეს კორიდორი. ჯერ კიდევ იმდენის გადარჩენაა საჭირო. მე ძალიან მიხარია, რომ თუნდაც ერთის გადარჩენა შევძელი.
დღეს მე ადამიანი გადავარჩინე…