თუ სოციალურ ქსელ ფეისბუქს ესტუმრებით და მაკო მალანიას პროფილს მოინახულებთ, დაუჯერებელი სიკეთის მომსწრე გახდებით. მის გვერდზე ატვირთულია იმ ბრმა პიტბულის ფოტოები, რომელიც მან ძაღლების თავშესაფრიდან აიყვანა.
ალბათ, ბევრს გაუჩნდება კითხვა, რატომ მაინცდამაინც ბრმა პიტბული? მაკოს ასეთი პასუხი აქვს:
"ფეისბუქზე შევედი და
მისი თქმით, მეუღლესთან ერთად უკვე დიდი ხანია მხოლოდ ქუჩიდან ან თავშესაფრიდან აპირებდნენ ცხოველების აყვანას, ამიტომ ერთი მიზეზიც კი არ რჩებოდა საიმისოდ, რომ ნოლა თავშესაფარში დარჩენილიყო.
"ორი დღე გადაბმულად ეძინა და გვეგონა, რომ მთელი ცხოვრება დეპრესიაში იქნებოდა, მაგრამ მესამე დღეს სულ სხვა ძაღლი გახდა და ახლა ყველანაირად კარგადაა.
ნოლა ძალიან დამეხმარა, იმიტომ, რომ ჩემი როტვეილერის დაკარგვის ფაქტი დღემდე მთრგუნავს და ვერ გადავიტანე ამდენი ხანი. ნოლა ძალიან მიმსუბუქებს უმისობას. ჯერ მარტო მაგ სახელზე რომ ვინმე იხედება, ბევრს ნიშნავს ჩემთვის, "- ამბობს მაკო.
უმძიმესი ფაქტია, როდესაც პატრონი 12 წლის ბრმა ძაღლს ტოვებს თავშესაფარში, სწორედ იმ დროს, როცა ძალაგამოცლილ ცხოველს მეტი ზრუნვა, სითბო და სიყვარული სჭირდება.
საბედნიეროდ, ჩვენთან საქართველოში ამ სიცივეს უამრავი ადამიანის გულისხმიერება და სულიერების დიდი სიყვარული უპირისპირდება! ეს არის სწორედ ჩვენში ადამიანობის გადარჩენა!
უამრავი მიტოვებული, თუ უსახლკარო ცხოველია ჩვენს გარშემო, რომელიც ელის სახლს, პატრონს, სიყვარულს, სითბოს, ზრუნვას! დავეხმაროთ, ავიყვანოთ, ისინი და ამ ცივ სამყაროში უანგაროდ და უსაზღვროდ გაგვათბობენ! გადაგვარჩენენ!
ჩვენ ხომ ერთმანეთისთვის, ერთმანეთის მხარდაჭერითა და სიყვარულით ვცოცხლობთ დედამიწაზე!
თეო ბითაძე სპეციალურად ZooClub.ge-სთვის
