პატარა სპილო თავისი გადამრჩენის ბინაში ცხოვრობს (ვიდეო, ფოტო)

პატარა სპილო მაიო ოჯახს ჩამორჩა, როდესაც ისინი მდინარის გადაკვეთას ცდილობდნენ. საბედნიეროდ, გზააბნეული ცხოველი გეოლოგებმა იპოვეს. ის დააბინავეს როქსი დაქვერთის ბინაში, სადაც მას მზრუნველობას არ აკლებენ.

მაიო 14 თვის არის და როქსის შინაური ბინადარივით ყველგან თან დაყვება.

"ის ცნობს ჩემს ხმას, ჩემს სუნს და ყოველთვის მოდის იქ, სადაც ვარ. მაიო ყოველ დღე იზრდება, ძალიან რთულია მისი ყოლა ბინაში, რადგან წონის გამო, ხშირად აზიანებს ნივთებს, ამასთანავე, საოცრად ცელქია. მას ძალიან შევეჩვიე

და შემიყვარდა. მინდა, რომ არჩევანის თავისუფლება ჰქონდეს - წავიდეს იქ, სადაც მოესურვება და იყოს ისე, როგორც უნდა."- ამბობს როქსი.