ნომერზე "911" შეშფოთებული ზარი შევიდა. სანაპიროზე პატრონთან მოთამაშე ძაღლი უეცრად წყალში ჩავარდა, უკან ამოსვლა კი ვეღარ შეძლო.
როდესაც მაშველები ადგილზე მივიდნენ, უცნაური სანახაობის მოწმენი გახდნენ. წყალში ძაღლის გარშემო რაღაც დიდი და იდუმალი ტრიალებდა. რომ დაუკვირდნენ, მიხვდნენ, რომ ეს ლამანტინი იყო!
"ის სულ ძაღლის გარშემო ცურავდა. ისე ჩანდა, რომ ასე ცდილობდა დაეწყნარებინა მეგობარი, თითქოს ეუბნებოდა, რომ დახმარება უკვე ახლოს იყო",
სანამ მაშველებს ძაღლი წყლიდან ამოყავდათ, ლამანტინი სულ მათთან ახლოს დაცურავდა და მხოლოდ მას მერე, რაც დარწმუნდა, რომ ოთხფეხა მეგობარს უკვე არაფერი ემუქრებოდა, უკან, სიღრმეში დაბრუნდა.
გადარჩენილი ძაღლი მაშინვე გახარებულ პატრონს გადასცეს. დარწმუნებულები ვართ, რომ ახლა ისინი თავის ბინადარს წყალთან ახლოსაც კი არ მიუშვებენ და ყოველთვის, როცა სანაპიროზე გაისეირნებენ, გაახსენდებათ ლამანტინი, რომელიც ძაღლის დახმარებას ცდილობდა.
ცხოველები მერამდენედ აძლევენ ადამიანებს საოცარი ადამიანობის მაგალითს.