სასიამოვნო სანახავია, ორი განსხვავებული სახეობის ცხოველის მეგობრობა. მაგალითად, ძაღლისა და კატის, ძაღლისა და ბუს... თუ სხვადასხვა სახოების ცხოველი პატარაობიდან ერთად იზრდება, ისინი სიცოცხლის ბოლომდე ერთგულნი რჩებიან, მაგრამ რა ხდება, როცა ზრდასრული ცხოველები ერთმანეთს პირველად ხვდებიან?

სამხრეთ კანადაში მცხოვრებ მამაკაცს, რომელიც რამდენიმე ჰექტარ მიწას ფლობდა, საკუთარ ტერიტორიაზე 150 ძაღლი ჰყავდა. რამდენიმე წლის წინ ძაღლებს უზარმაზარი თეთრი დათვი ესტუმრა...



შესაძლოა, ამ დროს ადამიანი ყველაზე ცუდს მოელოდეს, თუმცა, რაც მოხდა, ყველას გაკვირვებას იწვევს - გარეული ცხოველი მეგობრულად მიუახლოვდა ერთ-ერთ ძაღლს და თამაში დაიწყო. მას შემდეგ დათვი ყოველ წელს მიდიოდა ძაღლებთან სათამაშოდ. თავიდან მოდარაჯე ცხოველები ყეფითა და აგრესიით შეხვდნენ, თუმცა, რამდენიმე წუთის შემდეგ სიხარულს გამოხატავდნენ და კუდს აქიცინებდნენ.





საოცარია ის ფაქტიც, რომ დათვი ერთსა და იმავე დროს მიდიოდა სათამაშოდ, ხოლო შემდეგ კვლავ ტყის სიღრმეში უჩინარდებოდა.

იხილეთ ვიდეო

ასევე იხილეთ:

გორილას, რომელსაც ადამიანების ენა ესმის, უთხრეს, რომ მისი მეგობარი დაიღუპა

ლეკვობის პერიოდში გაცნობილი ძაღლების ემოციური შეხვედრა დიდი ხნის შემდეგ

ასეთი მეგობრობა წარმოუდგენელი იყო - მაიმუნმა ლეკვი გადაარჩინა და "იშვილა"