სამხრეთ კაროლინაში სახლის კატამ იშვილა გარეული კატის კნუტები, რომლებიც ადამიანებმა იპოვეს ერთ-ერთი შენობის ნანგრევებში. კატა უვლიდა და კვებავდა მათ, როგორც საკუთარ შვილებს.
სან-ფრანცისკოში 6 წლის ლაბრადორმა, კოამ იპოვა მიტოვებული ბაჭიები და გადაწყვიტა, მათზე ეზრუნა. კოას არასოდეს ყოლია საკუთარი ლეკვები, მაგრამ ბაჭიების პოვნის შემდეგ, მას დედობრივი ინსტიქტი გაეღვიძა და შვილივით უვლიდა პატარა
ძაღლმა რექსიმ გადაარჩინა კენგურუს შვილი, რომელიც გარდაცვლილი დედის ჩანთიდან ამოიყვანა. ავსტრალიაში დედა კენგურუ ავტოსაგზაო შემთხვევის მსხვერპლი გახდა. რექსი რომ არა, პატარა კენგურუც სასიკვდილოდ იყო განწირული, რადგან გზაზე, სადაც სამანქანო მოძრაობა იყო, გარდაცვლილ დედის ჩანთაში იჯდა.
ტანზანიაში ბეჰემოტმა პატარა ზებრა სიკვდილისგან იხსნა. ზებრა ტანზანიის მდინარეზე გადასვლას ცდილობდა, როცა სწრაფმა დინებამ ცხოველი წაიღო. თვითმხილველების თქმით, ბეჰემოტი თავდაუზოგავად ცდილობდა ამ პატარა არსების გადარჩენას და დიდი ძალისხმევის შედეგად მან ზებრა სამშვიდობოს გამოიყვანა.
გორილამ სახელად კოკო კნუტი იშვილა, მას მერე შვილივით უვლის და ძალიან უფრთხილდება.
იმის შემდეგ, რაც მონადირეებმა ტაილანდში სამი თვის მაიმუნს დედა მოუკლეს, ის ბუდისტებმა ტაძარში წაიყვანეს. ტაძრის ბინადარმა ძაღლმა თანიმ მასზე მზრუნველობა საკუთარ თავზე აიღო - ტანი უვლის პატარა მაიმუნს და მეტიც, თავის საკვებსაც უნაწილებს.
ეს რამდენიმე ემოციური ისტორია ბევრ ადამიანს დააფიქრებს ურთიერთობებზე და არა მარტო ადამიანებთან, არამედ ცხოველებთან მიმართებაშიც.