გარეული მგელი, სახელად ჩარა, გოგონას ოჯახში მოულოდნელად აღმოჩნდა.
იაროსლავის დედის მეგობარმა ზოოპარკიდან მგელი იყიდა, რათა საკუთარი ახირებები დაეკმაყოფილებინა და ჰყოლოდა უჩვეულო "შინაური ცხოველი", თუმცა, გარკვეული დროის შემდეგ, მამაკაცმა ცხოველის მიმართ ინტერესი დაკარგა. ის ეძებდა გზებს, როგორ მოეშორებინა სახლიდან ჩარა.
მამაკაცი დაუკავშირდა იაროსლავის დედას და სთხოვა მგლისთვის სახლი ეპოვა, წინააღმდეგ შემთხვევაში, ჩარას გადასცემდა მონადირეებს, რომლებიც გარეულ ცხოველს ძაღლების დასაგეშად გამოიყენებდნენ, ამიტომ ბავშვის დედამ ჩარას გადარჩენა გადაწყვიტა. მან გამოისყიდა
ქალს ძაღლების წვრთნის საკმაოდ კარგი გამოცდილება აქვს და მეტიც, არაერთხელ უცდია გაეწვრთნა ძაღლისა და მგლის ნაჯვარი, რადგან ირინა (ბავშვის მშობელი) პროფესიით კინოლოგია.
ბავშვის მამა მგლის სახლში მოყვანის კატეგორიული წინააღმდეგი იყო, მაგრამ თანაცხოვრების შემდეგ მიეჩვია.
ასე გახდა ჩარა ოჯახის სრულუფლებიანი წევრი. იაროსლავისთვის ის საყვარელი მეგობარია, რომელთან ერთადაც სეირნობს, ჭამს, ძინავს და თამაშობს.
საბავშვო ბაღში დედა ფსიქოლოგმა იმის გამო დაიბარა, რომ იაროსლავი ზეიმზე მგლის უარყოფით პერსონაჟად გამოყვანას აპროტესტებდა.
"ჩარას არასოდეს უწყენინებია ჩემთვის", - ამბობს გოგონა.
დედა-შვილი მგელს ერთად წვრთნიან - ის არაერთ ბრძანებას ასრულებს.
ჩარას საყვარელი საკვები სოსისია, რომლის დახმარებითაც გოგონა მტაცებელს იმორჩილებს. შინაურ მგელს ასევე მოსწონს ორცხობილა, ყურძენი და ვაშლი.
მართალია, იაროსლავი ჯერ კიდევ პატარაა, მაგრამ მან უკვე დაიწყო წიგნის წერა - "როგორ მოვიშინაუროთ მგელი". წერა კარგად არ გამოსდის, თუმცა, ფოტოებით ილუსტრაციებს აკეთებს.
აი, ასეთი "წითელქუდა" ცხოვრობს ქალაქ სამარაში.
ასევე იხილეთ:
უნიკალური ოჯახი, რომელიც მგლებთან ერთად ცხოვრობს
ბიჭმა აიყვანა ლეკვი, რომელიც ძაღლის ნაშიერი არ აღმოჩნდა
მგელი ყოფილ სამხედროს უკნიდან მიუახლოვდა, როცა მამაკაცმა ის დაინახა, საოცარი რამ მოხდა
