კატა
თავისუფლების მოყვარე კატა სახლის ყველა კუთხეს ნეგატიური ენერგიისგან დამოუკიდებლად წმენდს. ის პოულობს უარყოფითი ენერგიის წყაროს, იღებს ენერგია "შა"-ს (ნეგატიური) და ამუშავებს "ცა" (დადებითი) ენერგიად. გარდა ამისა, კატა ვეფხვის ასლია, თუმცა, ზომით პატარა, რომელიც ჩინური სწავლებით, ოჯახს აგრესიისგან იცავს.
კატა თავად იპოვის სახლში ადგილს. არ ღირს მას
ძაღლი
ერთგული მეგობარი მოგიტანთ ჰარმონიას და გაგათავისულფებთ შფოთისგან, მაგრამ მხოლოდ იმ შემთხვევაში, თუ ის თავად არ არის აგრესიული. ძაღლს, რომელსაც აგრესიულს გაზრდით, არ აქვს უნარი ოჯახს სტაბილურობა შეუნარჩუნოს. ასე რომ, ჩინური სწავლების მიხედვით, "ცა"-ს მხოლოდ კეთილი და მხიარული ძაღლი მოგიტანთ.
რაც მთავარია, გახსოვდეთ, რომ ძაღლი ოჯახის წევრების დიდი სიყვარულით გამოირჩევა, ამიტომ არ ღირს მისი ჩაკეტვა სააბაზანო ოთახში, სათავსოში ან თქვენგან გარიყულ ადგილას. და კიდევ ერთი, არ მოუწყოთ მას დასაძინებელი ადგილი სახლის ზღურბლის სიახლოვეს.
თევზი
ჩინური სწავლების მიხედვით, სახლში განთავსებულ აკვარიუმში უნდა იყოს კენტი რაოდენობის თევზი. სასურველია, 9 ან მომდევნო კენტი ციფრები. უპირატესობა ენიჭება ოქროსფერი შეფერილობის ჯიშებს. მათ მოაქვთ ბედნიერება და ფინანსური კეთილდღეობა. სასურველია, მათ შორის ცურავდეს ერთი შავი თევზიც, რომელიც ნეგატიური თვალისგან დაგიცავთ. აკვარიუმი არასოდეს მოათავსოთ სახლის შესასვლელიდან მარჯვენა მხარეს. ის უნდა იყოს ყოველთვის სუფთა და არ უნდა ჰქონდეს არასასიამოვნო სუნი. ასევე, სასურველია აკვარიუმის განთავსება ოთახში, სადაც ფანჯარაა, რათა ფინანსური წარმატება მოგიტანოთ.
ფრინველი
ფრინველის ჭიკჭიკი იზიდავს მნიშვნელოვან ინფორმაციებს და ადამიანს მარტოობის დაძლევაში ეხმარება. თუ სახლში იადონი, თუთიყუში ან ბულბული გყავთ, არასოდეს გამოგეპარებათ თქვენ გარშემო არსებული სიახლეები, რომელთა დახმარებითაც შეძლებთ ცხოვრების დადებითად შეცვლას, ხოლო ჭორები და ვარაუდები არასოდეს დაგიბინდავთ გონებას.
ფრინველის გალია მოათავსეთ ისეთ ადგილას, რომ დასვენების ან ძილის დროს მისი ხმა არ გესმოდეთ.
მღრღნელი
ზაზუნას, ვირთხასა და კურდღელს აქვს უნარი შეგიქმნათ კომფორტი და მყუდროება. ასევე, მათ შეუძლიათ უცნაური ქცევებით წინასწარ მიგანიშნონ მოსალოდნელი უსიამოვნების შესახებ.
ეს ცხოველების შესახებ არასრული ჩამონათვალია, რომელსაც ძველი ჩინური სიბრძნე გვასწავლის. თუ მას დავუჯერებთ, ზოგადად შინაური ცხოველი სასურველია ყველა ოჯახს ჰყავდეს, რადგან ამ არსებებს ადამიანებისთვის სტაბილურობა და კეთილდღეობა მოაქვს.
ასევე იხილეთ:
რომელი ჯიშის ძაღლია ბავშვისთვის იდეალური
რატომ ცოცხლობენ უფრო დიდხანს კატების მოყვარულები?