ვიდეოს კომენტარის მიხედვით, გადაღებისთვის გამოიყენეს ავტომატური კამერა, რომელიც ტყეში დაამაგრეს. მან ორი ხვადი ირემი დააფიქსირა. ისინი ორ ფეხზე იდგნენ და წინა ფეხების ჩლიქებით ერთმანეთს ებრძოდნენ. როდესაც ერთ-ერთმა ირემმა უკან დაიხია, მეორე მას ისევ უკანა კიდურებზე შემდგარი გაეკიდა.
თეთრკუდიანი ირემი ჩრდილო ამერიკაშია გავრცელებული. ზამთარში ამ სახეობის ხვადები რქებს იცვლიან, ახლები კი მხოლოდ გაზაფხულის დასაწყისში ამოსდით. ამ პერიოდში ისინი ურთიერთობებს ჩლიქების მეშვეობით არკვევენ.
