"აფრიკის დასახლებაში, "ველის სასაფლაოს" მიმდებარე ტერიტორიაზე, შინაური ცხოველების სასაფლაო მოეწყობა," - ამის შესახებ BPN- ს შპს "ჰერმესის" დირექტორმა, მიხეილ ძაგანიამ განუცხადა.

"ცხოველების გვამების გაუვნებლობა აქამდე ე.წ. "ბეიკერის" ორმოში ხდებოდა. მაწანწალა და უპატრონო ცხოველების დაძინებას ახდენს თბილისის მერიის ცხოველთა მონიტორინგის სამსახური. 35 000 რეგისტირებული ძაღლია ოფიციალურად ქალაქში, რომლებსაც ჰყავთ პატრონები და მათი მოთხოვნაა, რომ თავისი ოთხფეხა მეგობრისთვის არსებობდეს ინდივიდუალური სასაფლაო", - აღნიშნა ძაგანიამ.

მისივე თქმით, "ველის სასაფლაოზე" გამოიყოფა სპეციალური ადგილი, სადაც მოსახლეობას შინაური ცხოველების ინდივიდუალური დამარხვის შესაძლებლობა მიეცემათ. მათივე სურვილისამებრ შესაძლოა, დაიდგას საფლავის ქვები ოთხფეხა მეგობრების ფოტოებით. სავარაუდოდ, ამ საკითხს მთავრობის შემდეგ სხდომაზე გავიტანთ.


ნახეთ ასევე: თქვენ

ჩვენს გულებში იცხოვრებთ მარად: შინაური ცხოველების საფლავები ლოს-ანჯელესში