ცხოველები დღითიდღე გვაოცებენ თავიანთი ერთგულებით ადამიანების მიმართ. ზოგჯერ მათი ქმედება ადამიანისთვის სამაგალითოა. უპატრონო ძაღლმა, რომელიც პოლტავას (უკრაინა) ქუჩებში ცხოვრობს, ნამდვილი გმირობა ჩაიდინა. ადამიანისგან სასიკვდილოდ განწირული 20 წლის სტუდენტი გოგონა სიკვდილისგან იხსნა. 

როდესაც გოგონა სასწავლებელში ფეხით მიდიოდა, ავტომობილი დაეჯახა. მძღოლმა ის წაიყვანა ტყეში და მიატოვა. უპატრონო ძაღლმა შემთხვევით ნახა მომაკვდავი სტუდენტი.
ცხოველი მას ათბობდა და გვერდიდან არ შორდებოდა იმ დრომდე, სანამ დახმარება არ მივიდა შემთხვევის ადგილზე.

ინციდენტის შესახებ "ინტერფაქსის" ჟურნალისტთან კომენატრი გააკეთა პოლიციის უფროსმა ოლეგ ბლეხმა:

"დანაშაულის დაფარვის მიზნით, დაშავებული გოგონა გადაიყვანეს ტყეში და პირდაპირი მნიშვნელობით გადააგდეს. როგორც ჩანს, მძღოლს ის გარდაცვლილი ეგონა. დაზარალებული უპატრონო ძაღლმა გადაარჩინა, რომელიც ყინვის დროს ათბობდა. გოგონას გადარჩენა სწორედ ცხოველის დამსახურებაა."

სტუდენტის ჯანმრთელობის მდგომარეობა ამ დროისთვის უცნობია, თუმცა, პირველადი დათვალიერების შედეგად მას არაერთი ტრავმა აღენიშნება. უკრაინელი სამათალდამცველები ფაქტის ძიების პროცესში არიან, რათა დამნაშავე დროულად დააკავონ.

ასევე იხილეთ:

დაკარგული ბავშვი 11 დღის შემდეგ იპოვეს, ის თავისმა ძაღლმა გადაარჩინა

შოკისმომგვრელი ისტორია ! როგორ გადაარჩინა სანაგვე ბუნკერში გადაგდებული ჩვილი უპატრონო ძაღლმა

გმირმა ლაბრადორმა გოგონა სიკვდილისგან იხსნა