გამოცემა ”EEntrepreneur”-ის თქმით, სტადიონი მოიცავს 90 კვ.მ-ზე მეტ ფართობს, სადაც განლაგებულია ცხოველებისთვის სხვადასხვა გასართობი მოწყობილობა. ძაღლს შეუძლია საბმელისა და ალიკაპის გარეშე სეირნობა. პარკში გაკეთებულია ძაღლების შადრევანი, სხვადასხვა პლატფორმა, ასევე გამოყოფილია ტერიტორია სირბილისთვის.
"ჩვენ შეპყრობილნი ვართ ინოვაციებით და ჩვენი მომხმარებლების ინტერესებით. Amazon -ის კოლექტივი თვლის, რომ საქმიანობის დროს ოთხფეხა მეგობრები გვერდით უნდა გვყავდეს,"- ამბობს კომპანიის წარმომადგენელი
ეს Amazon-ის რიგით მეორე პარკია: პირველი განთავსებულია მთავარი ოფისის გვერდით მდებარე შენობის სახურავზე, რომელიც ცნობილია, როგორც "Amazon-ის კოშკი".
გარდა ამისა, იმ თანამშრომლებზე, რომლებსაც შინაური ცხოველები ჰყავს, არაერთი ბონუსი მოქმედებს. სარეგისტრაციო მაგიდაზე ყოველთვის დევს ძაღლისთვის განკუთვნილი სასუსნავები. ოფისში მდებარე წყლის დასალევი ზოგიერთი ონკანი გაკეთებულია სპეციალურად შინაური ცხოველებისთვის.
კომპანიის პორტალზე არსებობს სპეციალური გვერდი, სადაც ქვეყნდება სტატიები Amazon-ის ძაღლების ცხოვრებაზე.