კენტუკის შტატში ადვოკატები დაიცავენ იმ ცხოველების უფლებებს, რომლებიც სისასტიკის მსხვერპლნი გახდნენ. ჰყავდეს თუ არა ძაღლს დამცველი ამას მოსამართლე გადაწყვეტს. იმავე პრინციპით ინიშნება ადვოკატი არასრულწლოვანისათვის. 

დამცველის მოვალეობაა მოწმეთა და ექსპერტთა დაკითხვა, დოკუმენტების შევსება და სასამართლოზე მათი წარდგენა. 

დღეს კენტუკის შტატში ამ პროფესიის რვა წარმომადგენელია. ყოველი მათგანი მოხალისეა.



არსებული კანონი ნახევარი წლის წინ მიიღეს. ამ ხნის განმავლობაში მოსამართლემ ხუთჯერ დაუნიშნა ცხოველს ადვოკატი, თუმცა, გასულ კვირას  სასამართლო დარბაზში ის პირველად წარსდგა. კენტუკის უნივერსიტეტის სამართლის პროფესორი ჯესიკა რუბინი  და იურიდიული ფაკულტეტის სტუდენტი ტაილერ ჰანსი იცავენ სამ პიტბულს, რომლებიც ძაღლების ორთაბრძოლაში მონაწილეობდნენ.