46 ძაღლი დიდი ხნის განმავლობაში ძალიან ცუდ პირობებში
იმყოფებოდა. კეთილი ადამიანების გულისხმიერებისა და ადგილობრივი კერძო ორგანიზაციის დახმარების გარეშე, ცხოველები მალე დაიხოცებოდნენ.
ინციდენტი მოხდა ვერჯინიის შტატში. კოკერ სპანიელის ჯიშის ძაღლები პატრონს პატარა გალიებში, სიცხესა და გაუსაძლის პირობებში გამოკეტილი ჰყავდა. მათ სადმე შეფარების საშუალებაც კი არ ჰქონდათ, რომ მზის სხივებისგან თავი დაეცვათ. თვითმხილველის თქმით, ძაღლების წყლის ჯამები ცარიელი იყო და ისინი შიმშილით დასუსტებულნი იყვნენ.
როგორც შემდგომ გაირკვა, ე.წ. ძაღლების მფლობელებს ცხოველები არ ჰყავდათ დარეგისტრირებულები და მათ სახელებიც კი არ ჰქონდათ.
კერძო ორგანიზაციამ თავის თავზე აიღო ცხოველების გადარჩენა. პატრონს ჩამოართვეს ძაღლები და ყველა მათგანი ვეტერინარულ კლინიკაში გადაიყვანეს.
და სხვა პატარა ზომის ჯიშის ძაღლები ძალიან ცუდ მდგომარეობაში იყვნენ. მათ შიმშილითა და ორგანიზმში წყლის ნაკლებობით სხვადასხვა დაავადება განუვითარდათ.
საბედნიეროდ, კერძო თავშესაფრის პერსონალი მაქსიმალურს აკეთებს ცხოველების გამოჯანმრთელებისათვის.
ისინი გეგმავენ ძაღლების საიმედო ოჯახებზე გაჩუქებას.