პირველ დღეებში კნუტი შეიძლება იყოს მოწყენილი, მარტოსული, თავიდან მას ეშინია ახალ გარემოში ყიფნის, დაუწყებს ძებნას დედას და თავის და-ძმას. ამიტომაც, შეეცადეთ, თავიდან დიდი დრო დაუთმოთ მას.
როგორც წესი, კნუტი თავის სახელს პირველივე დღეებშივე იმახსოვრებს, მთავ
არ შეიძლება კნუტის ხელით ტარება, მას დაბადებიდან უყვარს თავისუფლება და დამოუკიდებლობა, თუნდაც ძალიან პატარა იყოს, მაინც.
კატები ძალიან თავმოყვარე და თავისუფლებისმოყვარე ცხოველები არიან, თავიდანვე გირჩევთ, რომ ურთიერთგაგება დაამყაროთ მათთან. როდესაც რაიმეს დააშავებს, ყვირილითა და ჩხუბით ვერაფერს გახდებით მასთან. კატა ვერ იტანს ბრძანებლურ ტონს და უხეშ მიმართვას, მაგრამ ძალიან "აფასებს" პატრონის კეთილგანწყობასა და სითბოთივე პასუხობს მას.
ხშირ შემთხვევაში კონფლიქტი მომდინარეობს ტუალეტის შეჩვევასთან დაკავშირებით. გახსოვდეთ, კატები ძალიან მოწესრიგებული ცხოველები არიან. მთავარია, აჩვენოთ, სად შეუძლიათ, რომ მოისაქმონ და გარწმუნებთ, ისინი მალევე მიეჩვევიან.
კატის ან კნუტის ხშირად ბანაობა არ შეიძლება, ამ დროს კანზე დამცავი ქერცლი იბანება, რაც არ არის სასურველი ცხოველისთვის – ის შეიძლება ადვილად გაცივდეს.
თუ კატა ავად გაგიხდათ, არასოდეს ეცადოთ, თქვენი მეთოდებით უმკურნალოთ მას, აუცილებლად მიიყვანეთ ვეტერინართან.
ოპტიმალური ასაკი, როდესაც შეგიძლიათ კნუტი დედას მოაშოროთ და დამოუკიდებლად იკვებოს, არის 12 კვირა.