მაგრამ მათი ფუმფულა ბეწვის მისაღებად, ადამიანები ამ არსებებს სასტიკად ეპყრობიან სიმართლე შეგაძრწუნებთ!
"Youtube"-ზე რამდენიმე ხნის წინ დაიდო ერთ-ერთ ფრანგულ ფერმაში გადაღებული ვიდეო, სადაც ჩანს, როგორ ამრავლებენ ანგორის ჯიშის კურდღლებს. ამ სულისშემძვრელმა კადრებმა თავისი წარმოუდგენელი სისასტიკით მნახველი შეძრა.
ვიდეოზე კურდღლებს ბეწვს აცლიან. ცხოველის რეაქციის მიხედვით, ის წარმოუდგენელ ტკივილს განიცდის!
ბეწვის გაცლამდე ცხოველს ხის დაფაზე ისე აბამენ, რომ განძრევა ვერ შეძლოს. დანარჩენი კურდღლები პატარა გალიებში,
ზოგი იტყვის, ვითომ რა მოხდა, ცხოველს ბეწვს აცლიან, ხომ არ კლავენო, მაგრამ ის ხმები, რომლებსაც კურდღლები გამოსცემენ, სულს ყინავს. ცხოველის ბეწვს ტექსტილის ინდუსტრიაში გამოიყენებენ: სვიტერები, წინდები, შარფები ანგორის ბეწვისგან ძალიან თბილი და სასიამოვნო ჩასაცმელია. მაგრამ ბეწვის მიღების პროცედურა კურდღლებს საშინელ ტკივილს აყენებს და მათ ნაზ კანს აზიანებს.
ვიდეო ცხოველთა დაცვის ფრანგული საქველმოქმედო ორგანიზაციის (One Voice) მიერ არის გადაღებული. მათ არ დაასახელეს ფერმა, სადაც გადაღება მიმდინარეობდა, რადგან არ უნდათ, დასაჯონ კერძოდ ადამიანები. მათ სურთ, თავად ბეწვის მოპოვების სისტემაში ცვლილებებს მიაღწიონ. ორგანიზაციამ ანგორის კურდღლების ფერმებში ყოლისა და მათი ბეწვით ვაჭრობის წინააღმდეგ კამპანია დაიწყო.
ორგანიზაციის წევრები აღშფოთებულები არიან ცხოველების მიმართ დამოკიდებულებით. კურდღლებს არ აძლევენ გამაყუჩებელს. თვლიან, რომ ეს ზედმეტად ძვირია. ბეწვს არ პარსავენ, რადგან თვლიან, რომ ხელით გაცლილი ბეწვი ბევრად ძვირი ღირს. მაგრამ ეს ფუმფულა არსებები ხომ არაფერში არიან დამნაშავეები? რატომ უნდა იტანჯონ ასე?
ბევრმა ადამიანმა მხარი დაუჭირა ორგანიზაციას. რამდენიმე დღეში ვიდეო 90 000-ჯერ ნახეს და დროთა განმავლობაში, ნახვები იმატებს.
იხილეთ ვიდეო