შვედეთის აკადემიურ კლინიკაში მიმდინარეობს სამეცნიერო ექსპერიმენტი, რომელშიც ორმოცდაათამდე ბავშვია ჩართული. ყოველი მათგანი კლინიკის პაციენტია. მათთან ექიმებს შეყავთ ძაღლები, ბავშვები ცხოველების გარემოცვაში დიდ დროს ატარებენ, თამაშობენ მათთან ერთად. ამასთანავე, პატარა პაციენტების ჯანმრთელობის მდგომარეობა სისტემატურად მოწმდება.

"როდესაც ჩვენი პაციენტები ძაღლების გარემოცვაში არიან, მათი მდგომარეობა უმჯობესდება. ისინი ნაკლებად გრძნობენ ტკივილს და საჭიროებენ შედარებით ნაკლებ მედიკამენტებს."- ამბობს ბავშვთა განყოფილების მთავარი ექიმი ან ედნერი.



კვლევებმა აჩვენა, რომ ავადმყოფობის დროს, ცხოველის გარემოცვაში ყოფნისას ადამიანის ორგანიზმში გამოიყოფა ჰორმონი - ოქსიოცინი. ეს ჰორმონი ადამიანს ამშვიდებს და რწმენას მატებს. სწორედ ამ განწყობისთვის, უკვე დიდი ხანია დანერგილია მრავალ ქვეყანაში მსგავსი თერაპია: როდესაც სახლში, თუ კლინიკაში მოხუცებულებთან მიყავთ სხვადასხვა ცხოველი (ძაღლი, კატა, ცხენი და ა.შ).

შვედი მეცნიერები ამ ფენომენს დაწვრილებით იკვლევენ, მეტიც მათ მშობლების თანხმობით, ბავშვთა პალატებში მიიყვანეს ძაღლები, რომლებიც პაციენტთან ერთად იმ დრომდე დარჩებიან, სანამ ბავშვი კლინიკიდან არ გაეწერება.

ასევე იხილეთ:

მოხუცებულთა თავშესაფრის სასიამოვნო სტუმარი

რა არის ზოოთერაპია და რას მკურნალობენ ძაღლები

ამერიკელების გადარჩენას "კნუტოთერაპიით" ცდილობენ