რომელიც მათ კვებავდა, უკანასკნელ გზაზე გააცილეს" />

მარგარიტა სუარესის შვილმა, პატრიცია ურუტიამ ჟურნალისტებს უამბო, რომ 2015 წლის 15 მარტის ადრიან დილას უსახლკარო ძაღლებმა დაკრძალვის დარბაზში თავმოყრა დაიწყეს. მან თავიდან იფიქრა, რომ დამკრძალავ ბიუროში სპეციალური ადგილია, სადაც შეიძლება ძაღლების ყოფნა, მაგრამ შემდეგ შეამჩნია, რომ ცხოველები შედიოდნენ ოთახში, სადაც მისი დედის ცხედარი იყო დასვენებული.

ურუტიამ თანამშრომლებს მიმართა კითხვით, იცნობდნენ თუ არა ამ უსახლკარო ძაღლებს, მაგრამ ყველამ იუარა. როდესაც სუარესის ცხედარი ეკლესიაში გადაასვენეს, ძაღლები სარიტუალო მანქანას უკან გაყვნენ, ხოლო როდესაც კვლავ დაკრძალვის დარბაზში მოასვენეს, იქ ძაღლებიც დაბრუნდნენ.

ურუტია თვლის, რომ დედამისი ამ უსახლკარო ძაღლებს აჭმევდა და ისინი მივიდნენ, რომ თავისი მადლიერება გამოეხატათ. ძაღლებს პატივისცემით მოექცნენ. მათ დარბაზი მხოლოდ მაშინ დატოვეს, როდესაც სუარესის სხეულის კრემაციისთვის მომზადება დაიწყეს.
გარდაცვლილის ახლობლები ვერ ხსნიან იმას, თუ როგორ შეძლეს ძაღლებმა სუარესის პოვნა. ამ ძაღლებს სუარესი ძალიან უყვარდათ და ის ფაქტი, რომ ძაღლებმა საყვარელი მომვლელი უკანასკნელ გზაზე გააცილეს, ყველასთვის ძალიან გულისამაჩუყებელი იყო.