ყველა ჩვენგანს ჰყავს გამორჩეული ძაღლის ჯიში, თუმცა, ყველა ჩვენგანი თანხმდება, რომ ყოველი ძაღლი თავისებურად საყვარელია.

ამ სტატიაში გვინდა გერმანული ნაგაზის დადებით თვისებებზე ვისაუბროთ. ეს ჯიში საოცარი, ჭკვიანი, ლამაზი და ერთგული ძაღლია.

1. გერმანული ნაგაზი უჭკვიანესი ჯიშია. პროცენტულად პოლიციელი ძაღლების უმეტესობა გერმანული ნაგაზია. ის იოლად სწავლობს ბრძანებებს და ყოველთვის ხვდება, რას მიუთითებს მას მფლობელი.

2. გერმანული ნაგაზი ყოველთვის მზად არის დაიცვას პატრონი, ყველანაირი რისკის ფასად.

3. მათ აქვთ განსაკუთრებული ენერგიის წყარო. სხვა ჯიშებისგან განსხვავებით, ის არ ხარჯავს ენერგიას ფუჭად და ყოველთვის მზად არის მოსალოდნელი საფრთხეებისთვის.

4. გერმანულ ნაგაზს საოცარი ერთგულება შეუძლია. ის ძალიან მგრძნობიარე ჯიშია.

5. გერმანული ნაგაზი ერთ-ერთი საუკეთესო დამცველია. მათ კარგად იციან, როგორ დაიცვან პატრონი. არაერთი ფაქტი ყოფილა, როდესაც ამ ჯიშს სიცოცხლის ფასად დაუცვია ოჯახის წევრი და მთელი ოჯახიც კი.



6. გერმანული ნაგაზი საოცრად მომთმენი ჯიშია. მათ შეუძლიათ ერთგული მეგობრობა, თუმცა, უცნობებისთვის მისი ნდობის მოპოვება ძალიან რთულია.

7. სხვა ჯიშებთან შედარებით, გერმანულ ნაგაზს ძლიერი იმუნური სისტემა აქვს. მთავარია, პატრონმა გააკონტროლოს მისი კვების რაციონი, იყოს ყოველთვის დიეტაზე და ის დიდხანს იქნება თქვენი ერთგული დამცველი და მეგობარი.

8. გერმანულ ნაგაზს ძალიან უყვარს ბავშვებთან კონტაქტი. მას შეუძლია მოთმინებით აიტანოს თავისი ოჯახის პატარა წევრის ახირებები.



9. ერთ-ერთი ყველაზე გამორჩეული ამ ჯიშის ძაღლის თვისებაა, შეეგუოს ცხოვრების თითქმის ყველანაირ პირობას. მას იოლად შეუძლია ყველა სიტუაციაში ადაპტირება, მიუხედავად იმისა, თუ რამდენად კომფორტშია გაზრდილი.

10. გერმანული ნაგაზი საოცრად სოციალური ჯიშია. მასთან ერთად ხშირი ვარჯიში (რაც ამ ჯიშისთვის აუცილებელია) გაგხდით აქტიურსა და ჯანმრთელს.

ასევე იხილეთ:

10 საუკეთესო ფილმი ძაღლებზე

ძაღლსა და ადამიანს შორის განსაკუთრებული კავშირი არსებობს

10 ყველაზე ერთგული ძაღლის ჯიში