მოპსის დასახასიათებლად გამოდგება გამოთქმა: მუიტუმ ინ პარვო, ამ შემთხვევაში ეს ნიშნავს ”დიდი ძაღლის პატარა სხეულში”. ის გაწონასწორებული, სიცოცხლით სავსე, მეგობრული და მოსიყვარულე ძაღლია.
ეს სრულიად გამორჩეული ფინია დღეს განსაკუთრებით პოპულარულია და სულ უფრო მეტ ხალხს იზიდავს, როგორც ოჯახის საყვარელი კომპანიონი. ისინი მეგობრული, ადვილად მოსავლელი ძაღლებია; როგორც წესი, არ იციან აღგზნებული წკმუტუნი სხვა ფინიებივით.
ისტორია
ამ ძაღლების წარმომავლობის შესახებ ურთიერთსაწინააღმდეგო მონაცემები არსებობს, მაგრამ ის დანამდვილებით შეიძლება ითქვას, რომ მოპსები ჩინეთში წარმოიშვნენ და გარკვეულწილად ენათესავებიან პეკინესებს. ევროპაში ჩამოყვანის შემდეგ მათი სახელი მჭიდროდ უკავშირდება ჰოლანდიის სამეფო ოჯახს. სახელის წარმომავლობა სადავოა: მოპსი მაიმუნს ნიშნავს და ფიქრობენ, რომ ეს სახელი დამახასიათებელი სახის გამო ეწოდა. საპირისპირო აზრის თანახმად კი ეს სიტყვა ნიშნავს `ძალზე საყვარელს~, ამგვარი ახსნაც სარწმუნოა, რადგან ადრეც და ახლაც, მოპსის პატრონებს თავდავიწყებით უყვართ თავიანთი ოთხფეხა მეგობარი.
ჯიში ჩვენს დროში
მოპსები, რომლებიც მათი გამორჩეული ხასიათის გამო ადამიანებს საუკუნეთა განმავლობაში ჰყავდათ კომპანიონებად, კარგად შეეწყვნენ სახლის გარემოს. ეს თვინიერი ძაღლები შესაფერისია სახლისთვის, სადაც ბავშვებიც ცხოვრობენ; ოღონდ მოპსი ფრთხილად უნდა აიყვანონ ხელში, რადგან მისი დიდრონი, ამომჯდარი თვალების დაზიანება ადვილია. მოპსი არ არის ძნელად გასაწვრთნელი ჯიში. ხშირად ურჩევენ, რომ ავარჯიშონ შესაბმელით და არა საყელურით. სახის გაბრტყელებული ნაკვთების გამო ცუდად სუნთქავენ, ხშირად ხვრინავენ და ფრუტუნებენ. არ მისცეთ გასუქების საშუალება, რაც სუნთქვაზე უარყოფითად იმოქმედებს. მცირე ზომის მიუხედავად, მოპსებს ცქვიტი და გულადი მოდარაჯე ძაღლების რეპუტაცია აქვთ.
მონაცემები:
წარმოშობა - ჩინეთი
მთავ. დანიშნულება - კომპანიონი
ტემპერამენტი - კომუნიკ, მოუსვენარი,
სიც. ხანგრძლივობა - 12-15 წელი
მოვლა - ყოველდღიური, ვარცხნა
ვარჯიში - რეგულარული, ზომიერი
მოდარაჯე - კარგი
ხვადი
30-36 სმ
6-9 კგ
ძუ
25-30 სმ
6-8 კგ
ფეხები
წინა ფეხები აქვს ძლიერი და სწორი, უკანა – ღონიერი.
კუდი
მჭიდროდ, ან ორმაგად დახვეული კუდი ებმის მაღლა და დადებულია ზურგზე.
თათები
გამოკვეთილი თითებით და შავი ბრჭყალებით.
ბეწვი
Gგლუვი და რბილი, მოყვითალო – მოყავისფრო, გარგარისფერი, ვერცხლისფერი,
და შავი, შავი დრუნჩითა და ყურებით.
სახე
ბრტყელი და ფართო, ღრმა ნაოჭებით, ლოყებზე აქვს ხალები, რაც სილამაზის ნიშნადაა მიჩნეული.
ჩალისფერი მოპსის-თვის დამახასიათებე-ლია მკვეთრად გამოხატული ნიღაბი დრუნჩზე
თვალები
დიდი, მუქი, მეტყველი და ამობურცული.
ყურები
პატარა, რბილი
ტანი
ოთხკუთხა ფორმის, სქელი, ჩასკვნილი, ფართო გულმკერდითა და ძლიერი, მოხრილი კისრით.
მოსიყვარულე ჯიშია, ტიპური ოთახის ფინიაა. მშვიდი ბუნებისაა, აქვს იოლად მოსავლელი ბეწვი. მიდრეკილია სიმსუქნისკენ - სჭირდება ვარჯიში, ზოგჯერ ხვრინავს ყურადღებიანი და ძალზე მეგობრული ძაღლია.
ყურადღება მიაქციეთ ძაღლის წონას, რადგან ადვილად სუქდება. მოსწონს სეირნობა; უყვარს ტორტმანით სიარული. ნუ ავარჯიშებთ შუადღის სიცხეში, რადგან შეიძლება მზის დაკვრა მიიღოს.
ფხიზელი მოდარაჯე ძაღლია, მშვიდი და თვინიერი; ნაკლებად აქტიური, თუმცა თამაში მოსწონს; ბრძანებებს სწრაფად სწავლობს.
ბეწვს სჭირდება მინიმალური დავარცხნა და გაწმენდა. თვალები ამოუწმინდეთ წკირზე დახვეული ბამბის ტამპონით თვალებისა და სასუნთქი სისტემის დაავადებები; სიმსუქნე ხელს უწყობს დიაბეტისა და გულის დაავადებების განვითარებას. გაითვალისწინეთ გასუქებასთან დაკავშირებული საფრთხეები.
ლამაზი არ არის, მაგრამ მიმზიდველობა ნამდვილად აქვს. ვერც ზამთრის სუსხს ეგუება და ვერც ზაფხულის პაპანაქება სიცხეს. მიდრეკილია ალერგიულობისკენ. ეს ძაღლი მიჩვეულია შენობაში ცხოვრებას. მოკლე დრუნჩის გამო ემართება სასუნთქი გზების დაავადებები. აუცილებელია სახის ნაოჭების რეგულარულად გასუფთავება, რომ ინფექცია არ შეეჭრას.
რჩევა:
ზედმეტი ჭამა იწვევს გასუქებას და შესაძლოა სიცოცხლე შეუმოკლოს.
მოპსის მშვენიერი თვალები მიდრეკილია დაზიანებისაკენ.