ბაყაყი-მაიმუნის თათების აგებულება სხვა სახეობებისგან სრულიად განსხვავდება. მთავარი მახასიათებელი - მისი მოზრდილი თითი განცალკევებით იზრდება, რომელიც სხვა თითებისგან დამოუკიდებლად მოძრაობს (ისევე როგორც ადამიანისა და მაიმუნის თითები). ეს უნარი ბაყაყს საშუალებას აძლევს, ჩაეჭიდოს ტოტს, ფოთოლს, რადგან მისი ძირითადი საცხოვრებელი ადგილი ხეებია.
მეცნიერები შეშფოთებას გამოთქვამენ იმის გამო, რომ შესაძლოა, ბაყაყმა-მაიმუნმა მალე თავისი მშობლიური ბინადრობის არეალი დაკარგოს - ცენტრალური და სამხრეთ ამერიკა. სპეციალისტების თქმით, ტყის ფრაგმენტაციის (დიდი მასივების გაკაფვა პატარა ნაწილებად) გამო, ამ სახეობას გადაშენება ემუქრება.
მკვლევარებმა ასევე განმარტეს, რომ ბაყაყის ეს სახეობა ტემპერატურის ცვლილებასა და ტენიანობაზე ძალიან მგრძნობიარეა, ამიტომ მას ეკოლოგიური ცვლილებების "ბიოინდიკატორად" თვლიან.
ბიოლოგების თქმით, მსგავსი ამბფიბიები მნიშვნელოვანია ეპიდემიოლოგიური კონტროლისთვის: თითოეული Phyllomedusa camba, ყოველდღე საშუალოდ იმ ათასი მწერით იკვებება, რომლებსაც საშიში დაავადებები გადააქვთ.
წყარო: dailymail.co.uk
