ვიდეოგალერეა
სიახლეები
ტექსტის ზომა + -
თავშესაფარი ღია ცის ქვეშ - გორის მიუსაფარი ძაღლების გაუსაძლისი ყოფა და მათთვის გაწეული სიკეთე
თავშესაფარი ღია ცის ქვეშ - გორის მიუსაფარი ძაღლების გაუსაძლისი ყოფა და მათთვის გაწეული სიკეთე
მოსკოვის ქუჩა, #1 - ამ მისამართს თუ ესტუმრებით, ქალაქ გორში, ე.წ. კომბინატის დასახლებაში, მიუსაფარი ძაღლების თავშესაფარს აღმოაჩენთ, სადაც წარმოუდგენლად მძიმე პირობებში, ამჟამად 100-ზე მეტ ძაღლსა და 20-მდე ლეკვს პატრონობენ. თავშესაფარს არ გააჩნია ადმინისტრაციის შენობა, ცხოველებისთვის განკუთვნილ ფართსა და ვოლიერებში წვიმა ჩადის. მხოლოდ შენობის კუთხეებია მშრალი, სადაც თივა ყრია.


2016 წლის 14 იანვარს თავშესაფარს Zooclub.ge-ის ჟურნალისტი ესტუმრა და მის დამფუძნებელს, თამარ აფციაურს გაესაუბრა.

დირექტორის, თამარ აფციაურის, თქმით, თავშესაფარი 2013 წლის აპრილში დაარსდა.

,,მქონდა ინფორმაცია, რომ ბიუჯეტში გამოყოფილი იყო თანხა მხოლოდ ძაღლების დაჭერისთვის და არა მათი მოვლა-პატრონობისთვის. კონსულტაციები თბილისის მუნიციპალურ თავშესაფართან და ცხოველთა დამცველებთან გავიარე. მაშინ გორის საკრებულოს თავმჯდომარე ბატონი დავით რაზმაძე გახლდათ. მივედი ბატონ დავითთან და შევთავაზე, რომ შექმნილიყო ა.ი.პ. (არასამეწარმეო იურიდიული პირი). იდეა მომიწონეს, ვილაპარაკეთ, კომისიის სხდომაზე გავედით და შევთავაზეთ, რომ გორშიც განხორციელებულიყო ძაღლების პოპულაციის მართვა, ისევე, როგორც თბილისსა და ბათუმში ხდება.

Zooclub

პირველად ბიუჯეტი 74 000 ლარი იყო. ყოფილი ბამბის კომბინატის ქარხნის შენობაში ვოლიერები გავაკეთეთ, საოპერაციოები მოვაწყვეთ და უკვე მომსახურე პერსონალიც დამჭირდა. გვყავს მძღოლი, ორი დამჭერი, სამი მორიგე მომვლელი, რომლებიც ღამითაც რჩებიან, ორი ვეტექიმი და ერთი დამხმარე - ფერშალი.

Zooclub

თანხები ძალიან მიზერულია, იმიტომ, რომ ბიუჯეტი ცოტაა და ხელფასებიც შესაბამისად დაბალია. შარშან 100 000 დაგვიმტკიცეს, მაგრამ საკვებზე დაგვაკლდა და შემდეგ საკრებულომ კიდევ 8 000 დაამატა. წელს 300 000 მოვითხოვეთ, მინდოდა, ბრიგადა დამემატებინა, ადმინისტრაციის შენობა გასარემონტებელია და ერთი ოთახი მაინც გაგვეკეთებინა, რადგან სადაც ახლა ვზივართ, ეს დარაჯის შენობაა. შარშან ჩამოსული იყო ინგლისელი ცხოველთა დამცველი, ურსულა ურჩი, რომელმაც ძაღლებს სტერილიზაცია გაუკეთა და გამოსაცვლელი ოთახიც კი ვერ დავახვედრეთ. ყველაზე მთავარი კი ის არის, რომ შენობა, სადაც ძაღლები ცხოვრობენ გადასახურია და მოსაწყობი," - ამბობს ქალბატონი თამარი.

Zooclub

თამარ აფციაურის განმარტებით, თავშესაფრის პროგრამა შემდეგ ღონისძიებებს ითვალისწინებს: ძაღლის თავშესაფარში მიყვანა, მისი კასტრაცია/სტერილიზაცია და თავდაპირველ ადგილზე დაბრუნება, რადგან ძაღლების წლობით შენახვის სახსრები თავშესაფარს არ გააჩნია.

"ჯერ დაკვირვებას ვაწარმოებთ ახალმოყვანილ ძაღლებზე, ანტირაბიული (ცოფის საწინააღმდეგო) აცრა უტარდებათ და შემდეგ კეთდება კასტრაცია. ახლა აქ უმრავლესობა ძუა, რადგან პირობების არქონის გამო, სტერილიზაციას ვერ ვაკეთებთ და იძულებული ვართ, თბილისიდან მოვიწვიოთ სპეციალისტები. გვერდში გვიდგანან სრულიად საქართველოს ცხოველთა დაცვის საზოგადოების თავმჯდომარე ვახო მამალაძე და მარინა დალავერი, რომლებიც ხშირად გვეხმარებიან გადასასხმელი სისტემებით, წამლებით... რადგან არ არის სახსრები, რომ აქ ლაბორატორია გვქონდეს და საჭირო გამოკვლევები გავაკეთოთ," - აცხადებს თამარ აფციაური.

თავშესაფარში გაჩუქების აქციებიც ეწყობა. მსურველები მიდიან და პირდაპირ თავშესაფრიდან მიჰყავთ ძაღლები. ყოფილა შემთხვევები, როდესაც დიდი ძაღლებიც წაუყვანიათ. გაჩუქებულ ცხოველებს ცალკე ჟურნალში აღრიცხავენ და ახალ პატრონებს აფრთხილებენ, რომ თუ ძაღლმა მოიწყინა, ისევ თავშესაფარში დააბრუნონ".

Zooclub

თავშესაფრის დირექტორი ხაზს უსვამს 2008
წლის რუსეთ-საქართველოს ომს, რომელმაც, მისი თქმით, ძაღლების მიგრაციას შეუწყო ხელი, რადგან სამხედრო კონფლიქტის შედეგად დაცლილი სოფლებიდან ძაღლები გორში ჩავიდნენ და პოპულაციამ შესამჩნევად მოიმატა. თამარ აფციაურის თქმით, ძაღლების ოჯახებიდან გაშვების შემთხვევებიც ძალიან ხშირია.

Zooclub

გასაკვირია, მაგრამ ძაღლთა პოპულაციის გაკონტროლების მცდელობის მიუხედავად, მათმა რიცხვმა ქალაქში მაინც მოიმატა, ამის მიზეზად კი თამარ აფციაური მოქალაქეთა მიერ თავშესაფრის არსებობის ბოროტად გამოყენებას ასახელებს:

"მას შემდეგ, რაც გაიგეს, რომ გორში ძაღლების თავშესაფარია, მატარებლებიდან, მანქანებიდან პირდაპირ ყრიან ძაღლებს (თავშესაფართან რკინიგზა ახლოს გადის). ვერ ავუდივარ ამას. ამდენი ძაღლი არ შეიძლება მყავდეს", - აცხადებს თამარ აფციაური.

ქალბატონი თამარის განცხადებით, თავშესაფრის ძირითადი პრობლემები ასე გამოიყურება: პირველ რიგში შენობის რეაბილიტაცია და ბრიგადის დამატებაა საჭირო, რადგან მოსახლეობის მიერ გამოძახების შემთხვევები ღამით უფრო ხშირია, იმიტომ რომ ძაღლები, ძირითადად, ღამით გამოდიან გარეთ. სანარკოზე ოთახი, რაც ძირითად შეფერხებას წარმოადგენდა და რის გამოც ძუების სტერილიზაცია ვერ ხერხდება, უკვე გაკეთებულია და ხელშეკრულების დადებაა საჭირო შესაბამის დაწესებულებასთან თბილისში.

Zooclub

,,ზოგადად ძალიან ცუდ მდგომარეობაში ვართ. ვიცი, სახელმწიფოს არ აქვს საშუალება იმაზე მეტად დაგვეხმაროს, ვიდრე გვეხმარება, ისედაც ძალიან ბევრი პრობლემა აქვს და თვითონ ხალხია ჯერ მისახედი, მაგრამ სახელმწიფომ ცხოველებსაც ისევე უნდა მიხედოს, როგორც ხალხს. ჩვენი მდგომარეობა გასაუმჯობესებელია, შენობა უნდა გადაიხუროს, რომ წყალი აღარ ჩამოდიოდეს. ადმინისტრაციის შენობა გვჭირდება, თუნდაც ერთი ოთახი რომ იყოს. აქ ვერც ბუღალტერი მოდის, ვერც საქმის მწარმოებელი და იურისტი, რადგან შენობა არ გვაქვს. ყველა დისტანციურად, სახლიდან მუშაობს. ლეკვებისთვის პატარა შენობის გაკეთებაც მინდოდა ცალკე. მადლობა, რომ რაღაც თანხა მაინც გამოყვეს და ძაღლებს არ მახოცინებენ, "" - აცხადებს თამარ აფციაური.

Zooclub

მისი თქმით, დამჭერები ძირითადად, გამოძახების დროს გადიან და დროგამოშვებით ე.წ. რეიდებს, ანუ ქალაქის უბნების შემოვლას ახორციელებენ.

ცხოველთა პოპულაციის მართვა უმნიშვნელოვანესია, განსაკუთრებით საქართველოს სხვდასხვა რეგიონში. გორის ცხოველთა თავშესაფარი მწირი თანხებით ამ საკითხის მოგვარებას ცდილობს. რაშიც, იმედს ვიტოვებთ სახელმწიფოს მხრიდან მეტი მხარდაჭერა ექნება.

Zooclub

თავშესაფრის დახმარება ნებისმიერ მსურველს შეუძლია. რამდენიმე დღის წინ, თამაზ ელიზბარაშვილმა, თავშესაფარს 100 ტომარა ძაღლის საკვები სრულიად უსასყიდლოდ გადასცა. ფუნქციონირებს მათი საბანკო ანგარიშის ნომერიც. ასევე თავშესაფარი ვეტერინარების თანადგომას საჭიროებს, რაც სტერილიზაციებში დახმარებას გულისხმობს.

გორის თავშესაფრის შესახებ დაწვრილებით ინფორმაციისთვის შეგიძლიათ დაუკავშირდეთ ქალბატონ თამარ აფციაურს.

თეო ბითაძე სპეციალურად Zooclub.ge-სთვის.


ბეჭდვაელფოსტა
oto
გამარჯობათ ნომერი არ მაქვს ამიტომ აქ დავწერ ... თავშესაფრის უკან .. ნიქოზის ტუ რაღაცის მატარებელი როდადის მაგ ხიდის დაბლა თეთრი ძაღლი იყო რომელსაც მავტული ქონდა ყელზე მოჭერილი და უკანა ფეხები შებოჭილი . თარიღი 3/10/2017 . დაბლა იყო ამიტოომ თუარ მოკვდა იქ იქნება არამგონია ამოსვლა შეძლოს . მე არ მიმიშვა იღრინებოდასავით იქნებ დავეხმაროთ და დავურეკოთ თავშესაფრის პატრონს ან ვინც მუშაობენ :/ მანდვე არიან
თთთ
მართალი ბრძანდებით. უამრავი რესტორანია გორში. მონდომებაა ყველაფერი
53
გორში რამდენი რესტორნებია, არ შეიძლება საჭმლის მონარჩენები ამ საცოდავ ცხოველებს მიუტანონ?
Admin
მოსკოვის ქ 1 - ამ მისამართზე 3 შენობაა. მათგან 2 შენობა მერიამ უსასყიდლო სარგებლობისთვის გადასცა თავშესაფარს. ამიტომ თავშესაფრის მისამართი რაც წერია ზუსტია.
patrioti
ეგ ადგილი მოსკოვის ქ 1 გაყიდულია და რაღაცეებს ნუ წერთ. პატრონს დაუკავშირდითთთთ შპს-მ მიყიდა კერძო პირს, გადაამოწმეთ
მსგავსი სიახლეები
ჯესიკა ტრინის ბედნიერი ძაღლები
ბევრი პროფესიონალი ფოტოგრაფი აცხადებს, რომ ყველაზე ძნელია ახალშობილებისა და ცხოველების ფოტოგადაღება იმიტომ, რომ ისინი ძალიან ემოციურები და უშუალოები არიან.
03.04.2014
კბილის გახეხვა ძაღლებისთვის
ხომ ყოველდღე იხეხავთ კბილებს? კბილების მოვლა - ძალიან მნიშვნელოვანია. ძაღლის კბილები ასევე საჭიროებენ მოვლას და ჩვენ მოგაწვდით ინფორმაციას ამის შესახებ.
20.05.2014
რა არის ზოოთერაპია და რას მკურნალობენ ძაღლები
ფლორენციაში ძაღლები სულიერ აშლილობებს უმკურნალებენ. სანტა-მარია-ანუნციატას საავადმყოფო ერთ-ერთი პირველი სამედიცინო დაწესებულებაა, სადაც ზოოთერაპიის განყოფილება გაიხსნება.
09.06.2014
ბოლო სიახლეები
ფლორიდაში ღორი-პოლიგლოტი გამოზარდეს
ამერიკულ ქალაქ მაიამიში გასართობი პარკი ”ჯანგლ აილენდში” ვიეტნამური ღორი წარმოადგინეს, რომელმაც 100-მდე სიტყვა
28.03.2017
საქართველოში გადაშენების პირას მყოფი კიდევ ერთი ცხოველი მოკლეს
გარემოსდაცვითი ზედამხედველობის დეპარტამენტის, დასავლეთის რეგიონული სამმართველოს თანამშრომლებმა,
28.03.2017
ვინ ეხმარება ლონდონში გასაჭირში ჩავარდნილ ველურ ცხოვლებს?
სწრაფი რუხი ციყვებიდან ყველაზე გამბედავ მელიებამდე - ველური ცხოველები ხშირად ლონდონის ცენრტშიც კი შეიძლება შევამჩნიოთ.
28.03.2017
ამ მოპსებს გაუმართლათ! პატრონი მათზე დიდძალ ქონებას ხარჯავს
30 მოპსი ერთად მართალია, ძალიან საყვარელი, მაგრამ, ამავდროულად, ძალიან ძვირი
27.03.2017
როცა ქალმა წაიკითხა, თუ რა ეწერა უსახლკარო მამაკაცს მუყაოს ნაგლეჯზე, დაუყოვნებლივ შეჩერდა
ვილმა პრაისი სახლში მანქანით მიდიოდა, როდესაც გზაზე გაცრეცილი, ჭუჭყიან ტანსაცმელში მდგომი ახალგაზრდა
27.03.2017
გორის ზოოპარკის ბინადარი მიშა გახარებულია - ის ტყუპი ბელის მამა გახდა
გორის ზოოპარკის ბინადარი მიშა გახარებულია - ის ტყუპი ბელის მამა გახდა.
26.03.2017
ელექტროანძის დემონტაჟის დროს არწივების ბუდე არ დაზიანებულა - ადასტურებენ გარემოსდაცვითი ზედამხედველობის დეპარტამენტში
გარემოსდაცვითი ზედამხედველობის დეპარტამენტი ადასტურებს, რომ გარდაბნის მუნიციპალიტეტის სოფელ ჯანდარაში
24.03.2017
საქართველოში მსხვილფეხა საქონელში ახლად გავრცელებული დაავადების, ნოდულარული დერმატიტის ვირუსის კვლევის დანერგვაზე მუშაობენ
სსიპ საქართველოს სოფლის მეურნეობის სამინისტროს ლაბორატორიაში მსხვილფეხა საქონელში ახლად გავრცელებული დაავადების, ნოდულარული დერმატიტის
24.03.2017
მამაკაცმა ლომის ბოკვერი გადაარჩინა... ცხოველი მადლიერებას ჩახუტებით გამოხატავს (+ვიდეო)
ლომის ბოკვერი რამდენიმე დღის იყო, როდესაც დაობლდა. ის ვერ გადარჩებოდა
23.03.2017
ესპანეთის კონგრესმა ძაღლებისთვის კუდის და ყურების მოჭრა აკრძალა
ესპანეთის კონგრესმა ძაღლების კუდისა და ყურების კუპირება აკრძალა. მემარჯვენე სახალხო
23.03.2017

გასაჩუქებელი
ნაპოვნი
დაკარგული
დიღმის მასივში დაიკარგა ხვადი გერმანული ნაგაზი.
09.01.2017
მალაკნების ბაზრის ტერიტორიიდან დაიკარგა კოკერსპანიელი ჯეკო.
11.01.2017
მთაწმინდაზე დაიკარგა უთბილესი მეტისი ”ყურცქვიტა”.
23.01.2017
ფოტოგალერეა
გამოკითხვა
რა შემთხვევაში მიატოვებდით (ჩააბარებდით თავშესაფარში, გაუშვებდით ქუჩაში, გააჩუქებდით) თქვენს შინარ ცხოველს?