მყარი სულიერი კავშირი ადამიანსა და ცხოველს შორის - მსგავსი რამ ენდრიუ გოდოისა და მის ძაღლს ჯესისაც ჰქონდათ. ჯესიმ 18 ბედნიერი წელი გაატარა პატრონთან ერთად, თუმცა, შემდეგ ის სამუდამოდ დატოვა. ენდრიუ ძალიან განიცდიდა მის დაღუპვას, მან ჯესის წერილი მიუძღვნა.
შეუძლებელია, ეს ემოციური გზავნილი
"ეძღვნება უსაყვარლეს ჯესის,
როდესაც გაჩნდი ჩემს ცხოვრებაში, პატარა, სასაცილო და ფუმფულა ცხოველი იყავი, მე გკითხე:
-შენ სამუდამოდ იცოცხლებ, ხომ ასეა?
და 18 წლის განმავლობაში ვიმეორებდი ამ კითხვას, რათა თავი დამერწმუნებინა. როგორ მტკივა გული, რომ ეს ასე არ არის.
ძალიან მინდა, კვლავ შენთან ერთად პარკში თამაში. როგორც ყოველთვის, შენი საბმელი ისევ კართან დევს. ძველებურად ვბრაზდები ცუდ ამინდზე, როდესაც ქუჩაში გასვლის საშუალება არ გვქონდა, ხოლო შემდეგ მახსენდება, რომ უკვე აღარ მყავს ის, ვისთან ერთადაც ვსეირნობდი.
ყოველ ჯერზე, როდესაც ორცხობილას ან სხვა ტკბილეულს მივირთმევ, თვალებით გეძებ. სევდიანი ვხდები, რადგან ვეღარასოდეს გიწილადებ შენ საყვარელ სასუსნავს.
შენ იყავი ჭკვიანი და მშვიდი. იყავი ჩემი იდეალური ძაღლი. არასოდეს დაგიღრღნია ავეჯი და გაგიფუჭებია ჩემი ფეხსაცმელი.
ძალიან გიყვარდა მეზობლის ბავშვები, ხოლო მათ შენ უყვარდი. როცა შენი ბეწვი გაჭაღარავდა, ისინი "ბებიას" გეძახდნენ - მეცინება, ამ ამბავს რომ ვიხსენებ.
ბოლო დღეებში შენ აღარ შეგეძლო მშრალი საკვების ჭამა და გინდოდა, სულ ხელში აყვანილი მეტარებინე. მენდობოდი, მე კი შენ გენდობოდი. და საბოლოოდ, შევეგუე იმ ფაქტს, რომ სამუდამოდ ვერ იცოცხლებდი.
ძალიან ბედნიერი ვარ, რომ ჩვენ ეს წლები ერთად გავატარეთ. ვგრძნობდი, როგორ ტოვებდა შენს სხეულს სული. შენ წაიღე ჩემი სულის ნაწილიც.
და იცი რა?! დღემდე მიყვარხარ, ჩემო პატარა ჯესი! ოდესღაც ჩვენ ერთმანეთს შევხვდებით ცისარტყელაზე...
1998-2016".
ასევე იხილეთ:
ბავშვის წერილი: "ღმერთო, გაუფრთხილდი ჩემს ძაღლს!"
წერილი ძაღლისგან, რომელიც თქვენ გადაარჩინეთ
